युवक ८२ र युवती ८१ वर्षको उमेरमा विवाह
![](https://i0.wp.com/www.republicadainik.com/wp-content/uploads/2023/08/Marrige-80-years.jpg?resize=810%2C436)
लण्डन । प्रेम बसेपछि इङ्ल्याण्डमा ८२ वर्षका क्रिस्टोफर स्ट्रिट्स र ८१ वर्षकी रोजाले विवाह गरेका छन् ।
जागिरबाट अवकाश लिएपछि उनीहरू घर परिवारबाट अलग्गिएर रिटायरमेन्ट भिलेजमा गएका छन् । क्रिस्टोफरकी श्रीमती थिइनन् । रोजाको पनि श्रीमानको केही वर्ष अघि निधन भएको थियो ।
दुबैले जुलाईको अन्तिममा इङ्ल्याण्डको केयानसम, सोमरसेटमा विवाह गरेका हुन् । उनीहरू हनिमुनमा पनि गएका छन् ।
रोजाले भनिन्, ‘मैले उनलाई झ्यालमा बसिरहेको देखेँ । म उनको अगाडि बसिरहेकी थिएँ ।’
‘सूर्यको प्रकाश उनीमाथि चम्किरहेको थियो । उनले निकै चम्किलो पहेँलो मोजा लगाएका थिए जुन प्रकाशमा लगभग चम्किरहेको जस्तो देखिन्थ्यो’, उनले भनिन् ।
‘त्यसपछि उनी म भएको ठाउँमा आएर सोफामा बसेँ । अनि हामीबीच कुरा हुन थाल्यो । त्यसपछि हामी दुईबीच कहिले माया बस्यो, पत्तै भएन’, उनले भनिन् ।
‘हामी दुईको रोजाई एउटै छ । कला, थिएटर, इतिहास र सङ्गीतमा उनलाई पनि रुचि थियो र मलाई पनि । हामी थप भेटघाट गर्न थाल्यौँ र एक दिन विवाहसम्म पुग्यौँ’, रोजाले भनिन् ।
रोजा खानी उद्योगमा कन्सलटेन्टको रूपमा काम गर्थे भने रोजा रजिस्टर्ड नर्स थिइन् । दुवैको परिवार सोमरसेटमा बस्छन् ।
क्रिस्टोफरले भने, ‘मलाई रोजा निकै आकर्षक, हेरविचार गर्ने खालको र सहानुभूतिपूर्ण लाग्यो । हामीबीच धेरै समानता छ ।’
‘हामी सबैजसो ठाउँमा सँगै जान्थ्यौँ । धेरै कुराकानी गर्दथ्यौँ । उनी असाध्यै प्यारी छिन् र कहिलेकाहीँ मलाई रिस उठ्दा उनले शान्त बनाउँछिन्’, क्रिस्टोफरले भने ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया