देउवासँग प्रचण्डको ‘वान टू वान’ वार्ता

काठमाडौं । प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच मुलुकको राजनीतिक अवस्थाका विषयमा छलफल भएको छ ।

शनिबार बिहान प्रधानमन्त्री निवास बालुवाटारमा देउवा र दाहालबीच वार्ता भएको हो । वार्तामा निर्वाचन र त्यसपछिको अवस्थाका विषयमा कुराकानी भएको स्रोतले जनाएको छ ।

एमालेका अध्यक्ष केपी ओलीसँग शुक्रबार परामर्श गरेका दाहालले शनिबार प्रधानमन्त्री एवम् कांग्रेस सभापति देउवासँग छलफल गरेका हुन् ।

छलफलमा नयाँ सरकार गठन, राष्ट्रियसभा गठन र समसामयिक राजनीति लगायतका विषामा कुराकानी भएको स्रोतले जनाएको छ । देउवा र दाहालको वार्तामा अन्य कुनै पनि नेताहरू सहभागी थिएनन् ।

Published : Saturday, 2017 December 16, 10:21 am