उसेन बोल्टलाई पछि पार्दै ग्याटलिनले जिते स्वर्ण
बोल्टको अन्तिम ठूलो दौड
![](https://i0.wp.com/www.republicadainik.com/wp-content/uploads/2017/08/gatlin.jpg?resize=810%2C382)
२२ साउन, काठमाडौं । जसलाई च्याम्पियन धावक उसेन बोल्टको अन्तिम ठूलो दौडका रुपमा प्रमोट गरिएको थियो, त्यसमा जस्टिन ग्याटलिन च्याम्पियन बनेका छन् ।
अमेरिकाका ग्याटलिनले वल्र्ड एथलेटिक्स च्याम्पियनसिपको १०० मिटर दौडमा स्वर्ण जितका छन् । ३५ वर्षीय ग्याटलिनले ९.९२ सेकेण्डमा दौड पुरा गरे ।
प्रतिवन्धबाट प्रभावित करियरको तितो विगतलाई बिर्साउँदै उनले आफ्ना प्रतिद्वन्द्वीलाई मात्र होइन, समर्थकहरुलाई पनि आश्चर्यमा पारे ।
स्वर्णको प्रवल दावेदार मानिएका बोल्ट भने तेस्रो नम्बरमा रहे । उनले ९.९५ सेकेण्डमा दौड पुरा गरे ।
अमेरिकाका क्रिस्टिन कोलम्यानले ९.९४ सेकेण्डमा दुरी पार गर्दै रजत पदक जितेका छन् ।
जमैकन धावक बोल्टले २०१५ मा बेइजिङमा भएको वल्र्ड च्याम्पियनसिपमा ग्याटलिनलाई पछि पारको थिए । तर, लण्डनमा पछिल्लो प्रदर्शन दोहोर्याउन सकेनन् जितका साथ करियरको अन्त्य गर्ने उनको चाहना पुरा भएन ।
तर, उनले खेल भावनाको परिचय दिए । उनले दौड पुरा भएपछि ग्याटलिनलाई बधाई दिए । उनले स्टेडियममा उपस्थित दर्शकलाई अभिवादन पनि गरे ।
उनले भने, मेरो सुरुवातले मलाई अफ्ठ्यारोमा पुर्यायो । ग्याटलिन राम्रो प्रतिद्वन्द्वी हुन् । मैले आज सर्वश्रेष्ठ प्रदर्शन गर्न सकिनँ ।’
आठ ओलम्पिक स्वर्ण जितेका बोल्टले अब हुने वल्र्ड एथलेटिक्स च्याम्पियनसिपमा देखिने छैनन् ।
फेसबुकबाट तपाईको प्रतिक्रिया
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
यसमा तपाइको मत