काठमाडौंमा पाल्पाकी तामाङको शव, घरभित्रै ओखलढुंगाकी युटीको शव फेला

काठमाडौं । काठमाडौंमा पाल्पाकी ४९ वर्षीया रिसङ तामाङ मृत भेटिएकी छिन् ।

काठमाडौंको तारकेश्वर नगरपालिका–९ मनमैजु बासुकिनाग टोल डेरा गरी बस्ने पाल्पाको निस्दी गाउँपालिका–३ घर भएकी ४९ वर्षीया रिसङ तामाङ आफ्नै कोठामा सोमबार मृत अवस्थामा फेला परेकी हुन् ।

यसैगरी काठमाडौं महानगरपालिका–९ सिनामंगल भत्केको पुलस्थित बागमती खोला किनारमा हाल नाम, थर, वतन नखुलेकी अन्दाजी ४० वर्षीया महिला सोमबार मृत अवस्थामा फेला परेको विज्ञप्तिमा उल्लेख छ ।

ओखलढुंगाको मोलुङ गाउँपालिका–७ पात्ले बस्ने ३५ वर्षीया युटी शेर्पा आफ्नै घरमा सोमबार मृत अवस्थामा फेला परेका छन् ।

बाराको कोल्हबी नगरइपालिका–१० बेलवा बस्ने ४० वर्षीय महेश माझी सोही ठाउँस्थित जमुनी खोलामा सोमबार मृत अवस्थामा फेला परेका छन् ।

Published : Tuesday, 2023 May 9, 1:16 pm