काठमाडौं । नेपाल प्रहरीका एआईजी रविन्द्रबहादुर धानुकले अवकास लिएका छन् ।

धानुकले बुधबारदेखि अवकास लिएपछि प्रहरीमा चार जना एआईजीको दरबन्दी रिक्त भएको छ ।

धानुक उपत्यका प्रहरी कार्यालयका अतिरिक्त महानिरीक्षक (एआईजी)मा कार्यरत थिए ।

मंगलबार उपत्यका प्रहरी कार्यालयमा आयोजित समारोहमा उनलाई बिदाइ गरिएको छ ।

उपत्यका प्रहरी कार्यालयमा कार्यरत डीआईजी किरण राणासहितका उच्च प्रहरी अधिकारीले धानुकलाई बिदाइ गरेका छन् ।

२०७९ साउन २० मा विश्वराज पोखरेल र भदौ २३ मा मुकुन्दराज आचार्यले अवकाश पाएका छन् ।

प्रशासन विभाग प्रमुख एआईजी अरुणकुमार बिसी कात्तिक १४ बाट अवकाशमा गइसकेका छन् ।

बिसी र धानुकको अवकाशसँगै प्रहरीमा चार जना एआईजीको दरबन्दी रिक्त भएको छ । रिक्त ४ वटा एआईजी पदमा बढुवा हुन करिब एक दर्जन डीआईजी प्रतिस्पर्धामा छन् ।

एआईजीको बढुवामा डीआईजीहरू बसन्तकुमार कुँवर, मसाउद आलम खाँ, श्यामलाल ज्ञवाली, नलप्रसाद उपाध्याय, मोहनकुमार आचार्यल, दीपक थापागायत प्रतिस्पर्धामा छन् ।