हेटौँडा । मकवानपुर क्षेत्र नम्बर २ (२)का उम्मेदवार पदमबहादुर तितुङले आफ्नो उम्मेदवारी निष्क्रिय पारेका छन् ।

आइतबार हेटौँडामा पत्रकार सम्मेलन गरेर तितुङ आफ्नो उम्मेदवारीलाई निष्क्रिय बनाएको घोषणा गरेका हुन् । तितुङले नेपाली कांग्रेसका ईन्द्रबहादुर बानियाँलाई समर्थन गरेको जनाएका छन् ।

तितुङले राजनीतिक रूपमा आफ्नो उम्मेदवारी फिर्ता लिँदै बानियाँलाई समर्थन गरेको बताएका छन् ।

पार्टी सञ्चालनका क्रममा भएका केही कमजोरीका कारण चित्त दुखेर आफूले उम्मेदवारी दिएको उल्लेख गरेका छन् । उनले आफ्नो उम्मेदवारीले प्राप्त उपलब्धि गुम्न सक्ने र अहिलेको व्यवस्था मास्नेहरूलाई नै बल पुग्ने खतरा देखेपछि उम्मेदवारी स्थगन गरेको बताएका छन् ।

उनले आफ्नो अबको अभियान सत्तागठबन्धनका तर्फबाट कांग्रेसका उम्मेदवार एवम् बागमती प्रदेशका सभापति बानियाँलाई विजयी गराउने रहेको जनाएका छन् ।

तितिङले सोहीअनुसार अघि बढ्न आफ्ना समर्थकलाई अपील गरेका छन् ।

सभापति बानियाँले तितुङ सो क्षेत्रकै अगुवा कार्यकर्ता भएको र उनको समर्थनले विकास चाहने जनता र कांग्रेस कार्यकर्ता उत्साहित भएको बताएका छन् ।