काठमाडौं । नेपाल प्रहरीका अतिरिक्त प्रहरी महानिरीक्षक (एआइजी) अरूणकुमार बिसीले अवकाश पाएका छन् ।

प्रशासन विभागमा कार्यरत बिसीले मंगलबारदेखि उमेर हदका कारण अवकाश पाएका हुन् ।

यसअघि नेपाल प्रहरीमा दुई वटा एआइजी पद खाली भइसकेको छ ।

बिसीको अवकासपछि एआईजीमा तीन वटा पद खाली भएका छन् ।

भदौ ३२ गते मुकुन्दराज आचार्य र साउन २० गते विश्वराज पोखरेलले उमेर हदका कारण एआईजी पदबाट अवकाश पाएका छन् ।

पोखरेलले आइजिपी नियुक्तिमा असन्तुष्टि जनाउँदै राजीनामा दिएका थिए ।

राजीनामा अस्वीकृत भएपछि पोखरेलको उमेर हदका कारण अवकाश पाएका थिए ।

कात्तिक २५ गते अर्को एआइजीको पद पनि खाली हुँदैछ ।

काठमाडौं उपत्यका प्रहरी कार्यालय रानीपोखरीमा कार्यरत रविन्द्रबहादुर धानुकले पनि अवकाश पाउन लागेका छन् ।

रिक्त भएका एआईजी पदमा बढुवाका लागि डीआईजीहरू मसऊद आलम खाँ, नलप्रसाद उपाध्याय र मोहनकुमार आचार्य प्रतिस्पर्धामा छन् ।

डीआईजीहरू बसन्तबहादुर कुँवर, टेकप्रसाद राई, दीपक थापा, श्यामलाल ज्ञवाली, अशोक सिंह लगायत पनि बढुवाका लागि प्रतिस्पर्धामा छन् ।