काठमाडौं । नेपाली कांग्रेसका युवा नेता एवम् खेलकुद विभाग पूर्वसचिव मीनकृष्ण महर्जन प्रदेश सभातर्फ प्रत्यक्षको टिकटमा सिफारिस भएका छन् ।

ललितपुर क्षेत्र नं. १ ‘ख’तर्फ कांग्रेसले सिफारिस गरेको हो । कांग्रेसको प्रदेश कार्यसमिति र क्षेत्रीय कार्यसमितिले नेता महर्जनलाई पहिलो नम्बरमा सिफारिस गरेको हो ।

खेलकुदका हस्तीका रुपमा परिचित महर्जन अघिल्लो प्रदेश सभा निर्वाचनमा झिनोमतले पराजित भएका थिए ।

ललितपुर कांग्रेसमा महर्जन खम्बाका रुपमा परिचित छन् । जिल्लाका नेता कार्यकर्तालाई संरक्षण गर्दै आएका महर्जन प्रदेश सभातर्फ प्रत्यक्षमा टिकटका लागि सिफारिस भएपछि युवाहरूमा खुसीयाली छाएको छ ।

बच्चा, वृद्धवृद्धा, युवा, तरुण, विद्यार्थी लगायत सबैसँग छिटो घुममिल गर्न सक्ने महर्जनलाई ललितपुरका मतदाताले यस पटक जिताउनेछन् ।

कांग्रेसले ललितपुरमा हारेकै कारण विकाससहित सबै कुरामा पछाडि परेको छ । महर्जनसहितका कांग्रेसका सबै उम्मेदवारहरूले जित्नुपर्ने ललितपुर कांग्रेसको भनाइ छ ।