लण्डन । चीनसँग तनाव बढिरहेका बेला ताइवानले अमेरिकासँग अत्याधुनिक हतियारहरू खरिद गर्न लागेको छ ।

अमेरिकाले ताइवानलाई १ अर्ब डलरभन्दा बढीको हतियार बेच्ने लागेको अल्जाजिराले जनाएको छ ।

अमेरिकाले ताइवानलाई एन्टीशिप मिसाइल, साइडविन्डर मिसाइल, एअर टु एअर मिसाइल, रडार वार्निङ सिस्टम लगायतका हतियार बेच्न लागेको छ ।

न्यान्सी पेलोसीको ताइवान भ्रमणलगत्तै अमेरिकाले सम्झौता घोषणा गरेको छ ।

चिनियाँ सेनाले ताइवानको नजिकै सैन्य अभ्यास गर्दै आएको छ ।

ताइवानमा चीनको आक्रामकतालाई ध्यानमा राख्दै अमेरिकाले सैन्य सहयोग गरेको जनाइएको छ ।

अमेरिकाको हतियार सहयोग गर्ने र विक्री गर्ने घोषणाको चीनले विरोध गर्दै आएको छ ।

चीनले अमेरिकालाई यसको परिणाम भोग्न तयार हुन चेतावनी समेत दिएको छ ।

वासिङ्टनस्थित चिनियाँ दूतावासले अमेरिकालाई उक्त सम्झौता रद्द गर्न आग्रह गरेको छ ।

सम्झौताले वाशिङटन र बेइजिङबीचको सम्बन्धलाई खतरामा पार्न सक्ने दूतावासका प्रवक्ता लिउ पेंग्युको भनाई छ ।

चीनले अमेरिकाको हतियार सहयोगलाई चीनको आन्तरिक मामिलामा अमेरिकाको अनावश्यक हस्तक्षेप भनेर टिप्पणी गरेको छ ।