काठमाडौं । राजनीतिमा महिला सहभागिता, महिलाअधिकार, शान्ति सुशासनका लागि क्रियाशील जागरण नेपालको साधारण सभाले आगामी दिनमा स्थानीय तहमा निर्बाचित जनप्रतिनिधिलाई लैगिक समानता, मानबअधिकार र सुशासनको पक्षमा प्रभाबकारी रुपमा अगाडि बढ्न प्रेरित गर्ने नीति अख्तियार गरेको छ ।

निर्णायकतह र सुशासनमा महिला सहभागिता, आर्थिक स्रोत र साधनमा पहुँच जस्ता सबालमा मात्र होइन राजनीतिमा महिला सहभागिताका लागि जागरण नेपालको भूमिका प्रशनीय रहेको छ ।

जागरण नेपालकी अध्यक्ष सम्झना पोख्रेलको अध्यक्षतामा भएको १६औँ साधारण सभामा संस्थापक अध्यक्ष शर्मिला कार्की, बरिष्ठ पत्रकार टंक पन्त, जागरण नेपालकी ब्यबस्थापक मीना बिष्टले जागरण नेपालले गरेका कार्य र त्यसले पारेको प्रभाब एवम् आगामी दिनका भूमिकाकबारे प्रकाश पार्नुभएको थियो ।

जागरण नेपालकी सचिब मीरा ढकालले प्रगति प्रतिबेदन र कोषाध्यक्ष लीला शर्माले पेश गर्नुभएको कोषाध्यक्षको प्रतिबेदनलाई परिमार्जन सहित पारित भएको थियो । सो अबसरमा जागरण नेपालको पुस्तक पनि लोकार्पण गरिएको छ ।