लण्डन । रियल म्याड्रिड क्लवका तीन जना फुटबल खेलाडीलाई स्पेनको प्रहरीले पक्राउ गरेको जनाएको छ ।

नाबागिलसँग यौन सम्पर्क राखेको भिडियो वितरण गरेको आरोपमा तीन जना युवा फुटबल खेलाडीलाई बिहीबार राति पक्राउ गरिएको जनाइएको छ ।

पक्राउ परेका खेलाडीहरू भने नाबालिग होइनन् । उनीहरूले नाबालिगसँग यौन सम्पर्क गरेको भिडियो वितरणका लागि प्रयोग गरेको मोबाइल फोन पनि प्रहरीले जफत गरेको छ ।

पक्राउ गरेका तीन जना खेलाडीलाई न्यायालयले जमानतमा रिहा गरेको छ ।

ती नाबालिगको आमाले सेप्टेम्बर ६ तारिखमा दिएको उजुरीका आधारमा प्रहरीले खेलाडीलाई पक्राउ गरेको थियो ।

ती नाबालिगको उमेर १६ वर्ष रहेको छ । पक्राउ परेका युवा फुटबल खेलाडीले जुनमा ती नाबालिगको जानकारी बिना नै भिडियो रेकर्ड गरिएको बयान दिएका छन् ।

तीन जना खेलाडी रियल म्याड्रिड क्लवको युथ एकेडेमीका सदस्य हुन् । उनीहरू रियल म्याड्रिडको तेस्रो श्रेणीको क्लबको सदस्य पनि हुन् ।

तीन जनाका बाहेक घटनामा अन्य खेलाडीको समेत सहभागिता रहेको हुनसक्ने अनुमान प्रहरीले गरेको छ । पक्राउ परेका खेलाडीको नाम भने सार्वजनिक गरिएको छैन ।