काण्डमा परेपछि सीडीओ भट्टराई सिंहदरबार तानिए

काठमाडौं । गृह मन्त्रालयले मोरङका प्रमुख जिल्ला अधिकारी (सीडीओ) तीर्थराज भट्टराई काठमाडौं तानेको छ ।

भट्टराई राष्ट्रिय परिचयपत्रको विवरण रुजु गर्ने ठेक्का निजी कम्पनीलाई दिएको प्रकरणमा मुछिएपछि छानबिनका लागि गृह मन्त्रालय तानिएको हो ।

भट्टराई २०७९ माघ १३ गतेबाट मोरङमा सीडीओेको कार्यभार सम्हाल्न आएका थिए ।

राष्ट्रिय परिचयपत्रको विवरण रुजु गर्ने ठेक्का निजी कम्पनीलाई दिने निर्णयमा संलग्न तत्कालीन विभागका महानिर्देशक भट्टराईसहित विभागका सूचना प्रविधि शाखा प्रमुखसमेत रहेका निर्देशक मुकेश रेग्मीलाई उप–प्रधान एवम् गृहमन्त्री नारायणकाजी श्रेष्ठले मन्त्रिस्तरीय निर्णय गर्दै मन्त्रालय तानेका हुन् ।

मोरङको प्रमुख जिल्ला अधिकारीमा वीरेन्द्रकुमार यादवलाई पठाएको छ । यादव यसअघि संखुवासभाको प्रमुख जिल्ला अधिकारीको जिम्मेवारीमा थिए ।

Published : Tuesday, 2023 April 25, 9:17 pm