काठमाडौंमा बागलुङकी महिलामाथि छुरा प्रहार, ज्यान गयाे

काठमाडौं । काठमाडौंमा चक्कु प्रहारबाट घाइते भएकी महिलाको मृत्यु भएको छ ।

बाग्लुङको बडिगाड गाउँपालिका घर भइ काठमाडौंको सरस्वती नगरमा बस्दै आएकी ३५ वर्षीय नीरा आचार्यको छुरा प्रहारबाट हत्या भएको हो ।

बिहीबार करीव साढे ३ बजे नीराको घाँटी र शरीरका अन्य भागमा चक्कु प्रहार भएको थियो ।

चक्कु प्रहारबाट गम्भीर घाइते भएकी नीराको महाराजगञ्जस्थित त्रिवि शिक्षण अस्पतालमा उपचारका क्रममा मृत्यु भएको जिल्ला प्रहरी परिसर, काठमाडौंका एसपी सीताराम रिजालले बताएका छन् ।

नीराले सरस्वती नगरमा पसल चलाउँदै आएकी थिइन् । प्रहरीका अनुसार आचार्यलाई कसले र किन चक्कु प्रहार गरेको थियो भन्ने खुलेको छैन ।

जिल्ला प्रहरी परिसर, काठमाडौं र उपत्यका अपराध अनुसन्धान कार्यालयले घटनाबारे अनुसन्धान गरिरहेको छ ।

Published : Thursday, 2023 April 20, 9:26 pm