कौडा र पैसासहित तीन जना पक्राउ
काठमाडौं । प्रहरीले कौडा खेल्ने तीन जनालाई झापामा रंगेहात पक्राउ गरेको छ ।
गौरादह नगरपालिका–१ गौरादह बजारस्थित घरमा कौडा खेलिरहेको अवस्थामा सोही नगरपालिका–३ बस्ने ३३ वर्षीय रुद्र भण्डारीसमेत ३ जनालाई शनिबार साँझ प्रहरीले पक्राउ गरेको विज्ञप्तिमार्फत जनाएको छ ।
कौडा खेलिरहेका छन् भन्ने विशेष सूचनाको आधारमा जिल्ला प्रहरी कार्यालय झापा र ईलाका प्रहरी कार्यालय गौरादहबाट खटिएको प्रहरीले उनीहरूलाई ४५ हजार ९ सय ४५ रुपियाँ र १६ थान कौडासहित फेला पारी पक्राउ गरेको हो ।
घटनाका सम्बन्धमा प्रहरीले थप अनुसन्धान गरिरहेको छ ।
Published : Monday, 2023 March 20, 1:31 pm
फेसबुकबाट तपाईको प्रतिक्रिया