कांग्रेस नेता विनोद चौधरीद्वारा मायाखोला जलविद्युतको उद्घाटन
काठमाडौं । नेपाली कांग्रेसका केन्द्रीय सदस्य एवम् प्रतिनिधि सभाका सांसद विनोद चौधरीले संखुवासभामा निर्माण सम्पन्न भएको १४.९ मेगावाट क्षमताको मायाखोला जलविद्युत् आयोजनाको उद्घाटन गरेका छन् ।
बुधबार सांसद चौधरीले जलविद्युत् आयोजनाको औपचारिक उद्घाटन गरेका हुन् ।
कांग्रेस नेता चौधरीले नेपाल जलविद्युतमा धनी रहेको बताएका छन् । उनल् जलविद्युतको सही सदुपयोग गरी नेपाली जनताले लाभ लिन सक्नुपर्ने बताएका छन् ।
जलविद्युत् क्षेत्रमा अत्यन्तै सम्भावना बोकेको जिल्ला भएकाले संखुवासभाले जलविद्युतबाट आर्थिक समृद्धि हासिल गर्न सक्ने उनले बताएका छन् ।
संखुवासभाको धर्मदेवी नगरपालिका– ३, ४ र ५ मा आयोजना रहेको छ । आयोजनाको लागत दुई अर्ब ५० करोड रुपियाँ रहेको छ ।
विद्युत् विकास कम्पनी पशुपति इनर्जी डेभलपमेन्ट प्रालिको ५१ प्रतिशत र बाँकी ४९ प्रतिशत मायाखोला कम्पनी लिमिटेड र स्थानीयको सेयरमा आयोजना निर्माण भएको छ ।
हालसम्म संखुवासभाका विभिन्न खोलाबाट करिब २२ मेगावाट विद्युत् उत्पादन भइसकेको छ ।
कार्यक्रममा नेपाल कांग्रेस संखुवासभाका सभापति एवम् प्रतिनिधि सभाका सांसद दीपक खड्कालगायतका नेताको पनि उपस्थिति रहेको थियो ।
फेसबुकबाट तपाईको प्रतिक्रिया