कांग्रेसका ‘बागी’ सिंह प्रतिनिधि सभामा निर्वाचित, कांग्रेसकै उम्मेदवार हराए

काठमाडौं । नेपाली कांग्रेसका ‘बागी’ अमरेशकुमार सिंह प्रतिनिधि सभातर्फ निर्वाचित भएका छन् ।

कांग्रेसले टिकट नदिएपछि सिंहले विद्रोह गरेर सर्लाही ४ बाट उम्मेदवारी दिएका थिए ।

सिंहलाई कांग्रेसले बागी बनेर उम्मेदवार नदिन र आधिकारिक उम्मेदवारलाई सहयोग गर्न निर्देशन दिएको थियो । सिंहले अटेर गरेर स्वतन्त्रबाट उम्मेदवारी दिएर निर्वाचित भएका छन् ।

बिहीबार राति सार्वजनिक अन्तिम नतिजाअनुसार सिंहले २० हजार १७ मत ल्याएर विजयी भएको निर्वाचन कार्यालयले जनाएको छ ।

सिंहले निकटतम प्रतिद्वन्द्वी नेपाली कांग्रेसका उम्मेदवार नागेन्द्र कुमारलाई १ हजार ७६५ मतान्तरले पराजित गरेका छन् ।

कांग्रेसका पराजित उम्मेदवार नागेन्द्र कुमारले १८ हजार २५२ मत ल्याएका छन् ।

स्वतन्त्रबाट उठेकी मधुमालाकुमारी यादवले १४ हजार ६२२ मत पाएकी छिन् ।

Published : Thursday, 2022 November 24, 9:53 pm

फेसबुकबाट तपाईको प्रतिक्रिया