काठमाडौं । निर्वाचन पर्यवेक्षण समिति नेपालले मतदानका क्रममा ५० भन्दा धेरै स्थानमा हवाई फायर लगायतका विभिन्न घटना भएको जनाएको छ ।

समितिद्धारा आइतबार जारी विज्ञप्तिमा विभिन्न स्थानमा संकास्पद बस्तु राख्ने, झडप, विवाद आदि भएको जनाएको छ ।

‘दार्चुला, दोलखा, गोरखा, सिरहा, सप्तरी, रौतहट, दैलेख, चितवन, धनकढी, बर्दिया, स्याङजा, पाँचथर, मुगु, हुम्ला, पश्चिम नवलपरासी, कैलाली, मोरङ्ग लगाएतका ५० भन्दा वढी क्षेत्रहरुमा फायर, हवाई फायर र वम जस्ता संकास्पद वस्तु राखिएको, कतिपय स्थानमा विस्फोटका घटना समेत भएको जानकारी पाइयो’, विज्ञप्तिमा उल्लेख छ ।

समितिले भनेको छ, ‘निर्वाचन केन्द्रहरुमा हिंसात्मक घटनाहरु भई प्रहरीहरुद्धारा हवाई फायर नै गर्नुपर्ने अवस्थाहरुको सिर्जना भएको पाइयो, निर्वाचन सुरक्षामा पनि सवाल उठेको छ ।’

‘कतिपय स्थानहरु मतदान स्थगन भई पुनः निर्वाचनको दिन तोक्नुपर्ने अवस्था सिर्जना भएको छ’, समितिको विज्ञप्तिमा उल्लेख छ ।