काठमाडौं । नेपाली कांग्रेसका सभापति समेत रहेका प्रधानमन्त्री शेरबहादुर देउवाले पोखराका चर्चित पर्यटन व्यवसायी तथा पूर्व उप–मेयर गणेशबहादुर भट्टराईसहितको टिमलाई पार्टीमा भव्य स्वागत गरेका छन् ।

शुक्रबार प्रधानमन्त्री निवास बालुवाटारमा आयोजित कार्यक्रममा देउवाले भट्टराईसहितका व्यवसायी र नेताहरूलाई कांग्रेसमा स्वागत गरेका हुन् ।

देउवाले कांग्रेस नेतृत्वको सरकार व्यवसायीहरूको मागका विषयमा गम्भीर रहेको भन्दै संगठन निर्माणमा लाग्न निर्देशन दिएका छन् ।

कार्यक्रममा पूर्वसांसद एवम् कांग्रेसका केन्द्रीय सदस्य अर्जुनप्रसाद जोशीसहितका नेताहरूको उपस्थिति रहेको थियो ।

कांग्रेस प्रवेश गर्नेमा पोखरा पर्यटन परिषदका अध्यक्ष गोपीबहादुर भट्टराई, धर्मेन्द्रकुमार वाटाजु, अशोककुमार भण्डारी, जीवन भट्टराई, ई.विकास भट्टराई, ई.विषेश थापा, जयराम तिमिल्सिना, सुनिलबहादुर भट्टराई, अमित थापा, सरोज भट्टराई, च्यामबहादुर गुरुङ र अमृत ढकाल रहेका छन् ।

पोखराका चर्चित पर्यटन व्यवसायीहरू कांग्रेसमा प्रवेश गरेपछि एमाले, माओवादीसहितका दलहरूभित्र खैलाबैला भएको छ । पोखरामा कम्युनिस्टहरूलाई तनाब भएको छ ।