दमक । नेपाली कांग्रेसका नेता स्व.सीके प्रसाइँकी धर्मपत्नी गिरीराजकुमारी प्रसाइँको निधन भएको छ ।

प्रसाइँको मंगलबार उपचारका क्रममा गृहजिल्ला झापाको बिर्तामोडमा मंगलबार निधन भएको कांग्रेस केन्द्रीय सदस्य सरिता प्रसाइँले जानकारी दिइन् ।

गिरीराजकुमारीको बीएनसी टिचिङ हस्पिटल, बिर्तामोड, झापामा निधन भएको हो । बिक्रम संवत १९८८–०७–१७ गते जन्मिएकी गिरीराजकुमारीको निधन २०७७–१२–१० गते भएको केन्द्रीय सदस्य सरिता प्रसाइँले बताएकी छिन् ।

स्व.गिरीराजकुमारी प्रसाइँलाई कांग्रेसका केन्द्रीय सदस्य कृष्णप्रसाद सिटौला, नेतृ सरिता प्रसाइँसहितका कांग्रेस नेता र शुभेच्छुकहरूले अन्तिम श्रद्धाञ्जलि समेत दिएका छन् ।

कांग्रेसलाई निर्माण गर्नमा स्व.सीके प्रसाइँको ठूलो योगदान छ । झापामा कम्युनिस्ट र राजावादीहरूको ठूलो दब्दवा रहेका बेला प्रसाइँ परिवारले कांग्रेसलाई बचाएको थियो ।
नेपालको लोकतान्त्रिक आन्दोलनमा प्रसाइँ परिवारको योगदान ठूलो छ ।