सुरक्षाकर्मीलाई कोरोना भएपछि दाहाल आइसोलेसनमा
काठमाडौं । प्रधानमन्त्री खड्गप्रसाद ओलीलाई पदबाट राजीनामा दिन दवाव दिँदै आएका नेपाल कम्युनिस्ट पार्टी (नेकपा)का दोस्रो वरीयताका अध्यक्ष पुष्पकमल दाहाल ‘प्रचण्ड’ आइसोलेसनमा बसेका छन् ।
दाहाल एक हप्ता ललितपुरको खुमलटारस्थित आफ्नै निवासमा आइसोलेसनमा बस्नेछन् ।
दाहालका छ जना सुरक्षाकर्मीहरूलाई कोरोना देखिएपछि आइसोलेसनमा बसेका हुन् । उनले आन्तरिक र बाह्य भेटघाट बन्द गरेका छन् ।
कोरोनाबाट दाहालसहित उनको परिवार सुरक्षित छ । दाहाल आइसोलेसनमा बसेपछि प्रधानमन्त्री ओलीसँगको सम्वाद बन्द भएको छ ।
आइसोलेसनमा बसेका अध्यक्ष दाहालले शनिबार ओली निकटका तीन नेतालाई खुमलटारमा भेटेका थिए । दाहालले संसदीय दलका उपनेता सुवास नेम्वाड, महासचिव विष्णु पौडेल र स्थायी समिति सदस्य शंकर पोखरेलसँग भेटघाट गरेको स्रोतले जनाएको छ ।
Published : Sunday, 2020 August 9, 8:05 am
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया