काठमाडाैं उपत्यकामा एकै दिन ३२ जनामा काेराेना, १५४ पुग्याे संख्या
काठमाडाैं । लकडाउन खुकुलाे भएसँगै काठमाडौं उपत्यकामा कोरोना भाइरसको सङ्क्रमण बढ्न थालेको छ ।
कोरोना सङ्क्रमितको सङ्ख्या बढेपछि उपत्यकावासीमा त्रास देखिएकाे छ । समुदायस्तरमा भने कोरोना फैलिनसकेको सम्बन्धित अधिकारीले बताएका छन् ।
एकैदिन ३२ जनासम्म सङ्क्रमित देखिएसँगै काठमाडौं उपत्यकामा सङ्क्रमित हुनेको सङ्ख्या १ सय ५४ पुगेको छ ।
उपत्यकामा बन्दाबन्दी खुकुलो भएपछि सङ्क्रमण फैलिएको केहीले बताइरहेका छन् ।
केहीले काठमाडौंमा समुदायस्तरमा कोरोना फैलिसकेकाले सरकारले लकडाउनमा कडाइ गर्नुपर्ने बताइरहेका छन् ।
स्वास्थ्य तथा जनसङ्ख्या मन्त्रालय इपिडिमियोलोजी तथा रोग नियन्त्रण महाशाखाले भने काठमाडौंमा देखिएको कोरोना आयातीत भएकाले डराउनुपर्ने अवस्था नरहेको प्रस्ट पारेको छ ।
केही स्थानका टोल टोलमा परीक्षण गर्ने तयारी भइरहेको भन्दै शनिबार २ सय ५० जनाको कोरोना परीक्षण गरिएको छ ।
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया