नक्कली नेपाली नोटसहित एकजना पक्राउ
![](https://i0.wp.com/www.republicadainik.com/wp-content/uploads/2018/01/Nepali-Noat-Rs-Nakkali.jpg?resize=800%2C510)
काठमाडौं । मकवानपुरमा प्रहरीले नेपाली एक हजारको नक्कली नोटसहित एकजनालाई पक्राउ गरेको छ ।
हेटौँडा उपमहानगरपालिका वडा नं. १६ स्थित स्मृति मोक्तानको चिया पसलबाट ३१ वर्षीय मनोज पन्तलाई पक्राउ गरेको हो । गोप्य सूचनाका आधारमा प्रहरीले बारा जितपुर सिमरा १६ निवासी पन्तलाई जालीसहित पक्राउ गरेको जनाएको छ ।
‘जाली नोट साट्न खोजेको छ’ भन्ने सूचनाको आधारमा उक्त स्थानमा गई प्रहरीले चिया पसलमा पन्तले नेपाली एक हजारको जाली नोट साट्न लागेको अवस्थामा फेला पारेको थियो ।
पन्तको शरीरमा खानतलासी गर्दा पाईन्टको पछाडिको खल्तीमा पर्सभित्र लुकाई छिपाई राखेको नेपाली एक हजारका ८ वटा जाली नोट बरामद गरेको जिल्ला प्रहरी कार्यालय मकवानपुरद्वारा जारी विज्ञप्तिमा उल्लेख छ ।
यसैबीच, मकवानपुर प्रहरीले जवरजस्ती करणी मुद्दामा ५ वर्ष कैद तोकिएपछि फरार रहेका हेटौँडाका चन्द्रबहादुर दोङलाई पनि पक्राउ गरेको छ । ३ नम्बर प्रहरी प्रदेश कार्यालय हेटौँडाबाट खटिएको प्रहरी टोलीले दोङलाई पक्राउ गरेर जिल्ला अदालतमा पेस गरेको जनाएको छ ।
फेसबुकबाट तपाईको प्रतिक्रिया
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
यसमा तपाइको मत