महतोलाई कम्युनिष्टहरूको समर्थन, निधि अफ्ठ्यारोमा
![](https://i0.wp.com/www.republicadainik.com/wp-content/uploads/2017/11/Bimlendra-Nidhi-Kp-Oli-Raje.jpg?resize=810%2C360)
काठमाडौं । धनुषा क्षेत्र नम्बर ३ का हेवीवेट उम्मेदवारद्वय विमलेन्द्र निधि र राजेन्द्र महतोको चर्चा चुलिदै गएको छ ।
मधेस आन्दोलनका नाइके मानिने महतो र कांग्रेका प्रभावशाली नेता निधिबीच एउटै क्षेत्रमा चुनावी भिडन्त हुने भएपछि कसले बाजी मार्छ भन्ने विषय सबैको चासो बनेको छ ।
दुवै उम्मेदवारले एकले अर्कालाई पराजित गरिछाड्ने दाबी गरिरहेका छन् । पछिल्लो घटनाक्रमले निधी पछाडि पर्ने हुन् कि भन्ने आशंका पैदा भएको छ ।
वाम गठबन्धनका उम्मेदवार रामसिंह यादवले महतोलाई सघाउने विषयमा छलफल भइरहेको छ । गठबन्धनका उम्मेदवार यादव पनि धनुषा क्षेत्र नम्बर ३ कै उम्मेदवार हुन् ।
यादवले महतोलाई सघाएको खण्डमा निधीलाई चुनाव जित्न निकै कठीने हुने देखिन्छ ।
निधीलाई हराउनकै लागि अन्त कतै तालमेल नगरेका वाम गठबन्धन र राजपाबीच धनुषा क्षेत्र नम्बर ३ मा महतोलाई सहयोग गर्ने विषयमा उम्मेदवारद्वय महतो र यादवबीचमा नै कुराकानी भइरहेको स्रोतले जनाएको छ ।
अर्कोतिर कांग्रेसकै कतिपय नेताले निधिलाई हराउने षडयन्त्र गरेको आशंका गरिएको छ । कांग्रेस सभापति शेरबहादुर देउवाका प्रिय पात्र मानिएका निधीले चुनाव जितेको खण्डमा प्रधानमन्त्री पदकै दाबीसम्म गर्ने आशंकामा कांग्रेसका केही नेताहरू निधीलाई हराउन चाहेको आशंका गरिएको छ ।
यद्यपि निधि आफैँ पनि धनुषा क्षेत्र नम्बर ३ मा लोकप्रिय नेता भएकाले कसैले हराउन नसक्ने दाबी कतिपयले गरेका छन् ।
एमालेका उम्मेदवार समेतले महतोलाई सघाएर उम्मेदवारी रद्द गरेको खण्डमा निधिको जित कठिन हुने स्थानीय नेताहरूले बताएका छन् ।
1 प्रतिकृया प्राप्त “महतोलाई कम्युनिष्टहरूको समर्थन, निधि अफ्ठ्यारोमा”
यसमा तपाइको मत
फेसबुकबाट तपाईको प्रतिक्रिया
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
Papi communist haru Mauka pauda Je pany garna Tatpar hunchhan Nidhi je Hosiyar hunus.