गुन्डा नाइके एवम् एमाले नेता मनाङगे फेरि फसे, व्यक्ति अपहरण गरेको खुलासा
![](https://i0.wp.com/www.republicadainik.com/wp-content/uploads/2017/10/Kp-Oli-Deepak-Manage.jpg?resize=810%2C395)
काठमाडौं । ‘गुन्डानाइके’ एवम् एमालेका नेता दीपक मनाङगेको समूहले मनाङबाट एक जना व्यवसायीलाई अपहरण गरेर फिर्ता रकम माग गरेको खुलासा भएको छ ।
मनाङगेको समूहले गत शनिबार राति ११ बजे मेथास्थित एक होटलमा बास बसेका ४ जनामध्ये नार फु गाउँपालिकाका कर्मा लाक्पा लामाको अपहरण गरेका हुन् ।
होटलमा सँगै बास बसेका अन्य ३ जना लोप्साङ फुम्जो, धोर्जे लामा, गणेश घले र टासी लामा ज्यान जोगाएर भागेका थिए । कर्मा लाक्पा लामा र टासी लामासँग रहेको १० लाख रुपैयाँ मनाङगे समूहका युवाले लुटेका थिए ।
मनाङमा होटल खोल्न भन्दै उनीहरू काठमाडौंबाट सोही दिन त्यहाँ पुगेका थिए । कर्मा लाक्पालाई मेथाबाट रातभर हिडाएर उनीहरूले नार लगेको स्थानीयले बताएका छन् ।
घटनाको भोलिपल्ट कर्मा लाम्पा अपहरणमा परेको हल्लीखल्ली भएपछि मनाङगे आफैँ नार पुगेर १० लाख रुपैयाँ र कर्मालाई प्रहरी चौकीमा बुझाएका थिए ।
अपहरणमा परेका कर्माले आफूलाई दीपक मनाङगे समूहले अपहरण गरेर रातभर नियन्त्रणमा लिइ थप रकम मागेको भन्दै चामेस्थित जिल्ला प्रहरी कार्यालयमा उजुरी दिएका छन् ।
जिल्ला प्रहरी कार्यालय मनाङका डिएसपी वीरबहादुर पुलामीले दीपक मनाङगेको समूहले अपहरण गरेको विषयमा थप अनुसन्धान भइरहेको बताएका छन् ।
एमालेमा प्रवेश गरेका मनाङगे प्रदेश सभाको प्रत्यक्षतर्फ सिफारिस भएका छन् । गुन्डा नाइके मनाङगेलाई एमालेले टिकट दिने अन्तिम तयारी गरेको स्रोतको भनाइ छ ।
फेसबुकबाट तपाईको प्रतिक्रिया
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
यसमा तपाइको मत