एघार वर्षीया किशोरीलाई जंगलमा लगेर…
हेटौँडा । मकवानपुर जिल्लाको हेटौँडा उपमहानगरपालिकामा ११ वर्षीया कालिका के.सी. (नाम परिवर्तन)लाई जंगलमा लगेर बलात्कार गर्ने श्रीराम कार्कीलाई प्रहरीले नियन्त्रणमा लिएको छ ।
भदौ ३ गते अपरान्ह साढे चार बजे हेटौँडा बस्ने ११ वर्षीया कालिकालाई मोटरसाईकलमा आएका २९ वर्षीय कार्कीले म.म. खाने बहाना बनाइ जंगलमा लगेर बलात्कार गरेको जिल्ला प्रहरी कार्यालय मकवानपुरले जनाएको छ ।
कार्कीले ती किशोरीलाई हेटौँडा उपमहानगरपालिका १५ को जंगलमा बलात्कार गरी फरार भएका थिए । पीडित किशोरीको उजुरीका आधारमा प्रहरीले खोजतलास गर्ने क्रममा भदौ २२ गते बिहसबार कार्कीलाई पक्राउ गरेको जनाएको छ ।
कार्की ईन्द्ररोवर गाउँपालिका ८ घर भई हाल हेटौडा उपमहानगरपालिका ९ लामसुरेमा बस्दै आएका छन् । कार्कीलाई ना.२५ प ६३८३ नं. को रातो–कालो पल्सर मोटरसाईकलसहित पानी ट्याङकीबाट नियन्त्रणमा लिइएको प्रहरी भनाइ छ ।
फेसबुकबाट तपाईको प्रतिक्रिया
बिचार/ब्लग
यसमा तपाइको मत