कांग्रेस नेतृ एवम् उप–महानगरकी वडा सदस्य परियारको निधन
नेपालगञ्ज । नेपाली कांग्रेस बाँकेकी नेतृ एवम् वडा सदस्य शान्ति परियारको निधन भएको छ ।
नेपालगञ्ज उप–महानगरपालिका वडा नम्बर २ की वडा सदस्य परियारको कोरोनाभाइरसको संक्रमणबाट निधन भएको कांग्रेस नेता सुरेन्द्र हमालले जानकारी दिएका छन् ।
नेता हमालले सामाजिक सञ्जाल फेसबुकमार्फत नेतृ परियारको निधन भएको जनाएका हुन् ।
नेपाली कांग्रेसबाट स्थानीय तहको निर्वाचनमा परियार वडा सदस्यमा उम्मेदवार बनेर निर्वाचित भएकी थिइन् ।
नेपाली कांग्रेसका नेताहरूले नेतृ परियारको निधनले पार्टीलाई ठूलो नोक्सान भएको जनाएका छन् ।
उनीहरूले परियारले समाज, पार्टी र वडाबासीलाई दिएको योगदानको चर्चा समेत गरेका छन् ।
बाँके कांग्रेसले पनि उनको निधनप्रति दुःख व्यक्त गरेको छ । परियार बाँकेमा लोकप्रिय थिइन् ।
Published : Tuesday, 2020 November 3, 7:22 am
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया