कम्युनिस्टको गढ खोटाङमा कांग्रेसले झण्डा गाढ्दै, ऐसेलुखर्कमा बने कार्यसमितिहरू (तस्वीर)
ऐसेलुखर्क । कम्युनिस्टहरूको गढका रुपमा चिनिएको खोटाङ जिल्लामा नेपाली कांग्रेसले क्रमशः आफ्नो संगठनलाई बढाउँदै लगेको छ ।
कम्युनिस्टहरूको एकाधिकारलाई चिर्दै आएको नेपाली कांग्रेसले आफूलाई बलियो रुपमा प्रस्तुत गर्न थालेको छ । खोटाङ जिल्लाका अधिकांश गाउँपालिका र नगरपालिकाहरूमा कांग्रेसले संगठन बनाइरहेको छ ।
खोटाङ जिल्लामा नेपाली कांग्रेसले प्रतिनिधि सभा निर्वाचनमा पराजय भोगेको थियो । यो जिल्लालाई कम्युनिस्टहरूले आफ्नो गढका रुपमा मान्दै आएका छन् ।
तर, अब खोटाङ जिल्ला कम्युनिस्टको गढ रहनेछैन । नेपाली कांग्रेसका स्थानीय नेताहरू गाउँगाउँमा पुगेर पार्टीको संगठन बनाइरहेका छन् ।
स–साना भेला र बैठकहरू गरिरहेका नेपाली कांग्रेसका युवा नेता भुपेन्द्र राईले बताएका छन् । राईले भने, ‘हामी संगठित हुँदै छौँ । कांग्रेसलाई बलियो बनाउने अभियान जारी छ ।’
यसै क्रममा नेपाली कांग्रेस खोटाङले ऐसेलुखर्क गाउँपालिकाको दुई वटा वडामा वर्डा कार्यसमिति गठन गरेको छ । वडा नम्बर ५ र वडा नम्बर ६ मा गाउँ ईकाइ समितिको सभापति समेत तोकिएको छ ।
ऐसेलुखर्क गाउँपालिकाको वडा समिति निर्माण गर्ने क्रममा वडा नम्बर ५ महेश्वरीमा दीपक राईलाई सभापति बनाइएको छ ।
वडा नम्बर ६ ज्यामिरेमा बलराम राईको सभापतित्वमा वडा कार्यसमितिको गठन गरिएको खोटाङ कांग्रेसले जनाएको छ ।
बोलीको ठेगान नभएका कम्युनिस्टहरूको झुठा आश्वासनबाट आजित बनेका स्थानीयहरूले धमाधम नेपाली कांग्रेसलाई साथ दिन थालेको जनाइएको छ ।
बिचार/ब्लग
कहाँ पुग्यो जेनजी आन्दोलन ?
युवराज संग्रौला
फेसबुकबाट तपाईको प्रतिक्रिया