काठमाडौं । गगन थापाले नेपाली कांग्रेसलाई हाइज्याक गरेर तहस नहस बनाएका बेला पार्टी बचाउन परामर्श गर्न नेता पूर्णबहादुर खड्काले शेरबहादुर देउवा पक्षीय नेताहरूको बैठक बोलाएका छन् ।

शुक्रबार दिउँसो २ बजे काठमाडौंको गल्फुटारस्थित निवासमा पूर्व कार्यबाहक सभापति खड्काले बैठक बोलाएका हुन् ।

बैठकमा शेरबहादुर देउवा पक्षीय नेताहरूको राष्ट्रिय भेलाको विषयमा छलफल हुनेछ । राष्ट्रिय भेलाको मितिबारे पनि छलफल हुनेछ ।

शेरबहादुर देउवा पक्षीय नेताहरूले यसअघि सात वटा प्रदेशमा प्रदेशस्तरीय भेला गरिसकेका छन् । सोही क्रममा असार १६ गते लुम्बिनी प्रदेशको भेला गरिएको थियो ।

बैठकमा नेताहरू पूर्णबहादुर खड्का, कृष्णप्रसाद सिटौला, डा. शशांक कोइराला, विमलेन्द्र निधि, प्रकाशमान सिंह, डा.प्रकाशशरण महत, एनपी साउद, रमेश लेखक लगायतका नेताहरूको सहभागिता रहनेछ ।

बिहीबार नेता विमलेन्द्र निधिको निवासमा निधिका साथै डा. शशांक कोइराला र प्रकाशमान सिंहबीच छलफल भएको थियो । उनीहरूका बीच राष्ट्रिय भेला गर्नेबारेमा सहमति भएको छ ।