काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’ र भारतीय जनता पार्टी (भाजपा) विदेश विभाग प्रमुख डा.विजय चौथाइवाबीच भेट भएको छ ।

बिहीबार ललितपुरस्थित निवासमा अध्यक्ष दाहाल र विभाग प्रमुख डा.चौथाइवालेबीच भेट भएको हो । भेटमा दुई देशबीचको सम्बन्धका विषयमा कुराकानी भएको बुझिएको छ ।

हालै भारत कश्मीरको पलगाममा भएको आतकंकारी हमलाको बारेमा अध्यक्ष दाहालले भाजपा विदेश विभाग प्रमुख डा.चौथाइवालेसँग चिन्ता जनाएका छन् ।

यसअघि डा.चौथाइवालेले नेकपा (एकीकृत समाजवादी)का अध्यक्ष माधवकुमार नेपालसँग पनि भेट गरेका छन् ।

डा.चौथाइवालेले नेपाली काग्रेसका नेता शेखर कोइराला, नेपाली कांग्रेसका नेता उदयशम्शेर राणा, कांग्रेसका प्रवक्ता डा.प्रकाशशरण महत, माओवादीका उपमहासचिव जनार्दन शर्मालाई पनि भेट गरेका छन् ।

बुधबार डा.चौथाइवालेले नेपाली कांग्रेसका सभापति एवं पूर्व प्रधानमन्त्री शेरबहादुर देउवा, परराष्ट्रमन्त्री डा.आराजु राणा, गृहमन्त्री रमेश लेखकलाई भेट गरेका थिए ।