तुलसीपुरमा पनि तरुण दलको प्रदर्शन, कांग्रेसलाई कमजोर नठान्न चेतावनी

घोराही । नेपाल तरुण दल दाङले तुलसीपुरमा अधिनायकवादी कम्युनिस्ट सरकारविरुद्ध प्रदर्शन गरेको छ ।

तरुण दलका अध्यक्ष टीका घर्ती मगरको नेतृत्वमा बिहीबार तुलसीपुरमा भव्य प्रदर्शन भएको हो ।

प्रदर्शनकारी तरुणहरूले प्रधानमन्त्री ओली र कम्युनिस्ट सरकारविरुद्ध चर्का नारावाजी लगाएका थिए ।

तरुण दलले कांग्रेसका वरिष्ठ नेता रामचन्द्र पौडेललाई तनहुँमा पुल उद्घाटनका क्रममा बुधबार भएको गिरफ्तारीको विरोधमा तुलसीपुरमा प्रदर्शन गरेको हो ।

तरुण दल दाङका अध्यक्ष घर्तीले कांग्रेसलाई कमजोर नठान्न चेतावनी दिएका छन् ।

उनले कम्युनिस्टहरूबाट हुने कुनै पनि प्रकारको दमन, अत्याचार र अधिनायकवादलाई तरुणहरूले स्वीकार नगर्ने चेतावनी दिए ।

Published : Thursday, 2020 December 3, 6:33 pm

फेसबुकबाट तपाईको प्रतिक्रिया