भारतद्वारा नेपाल सरकारलाई आइसीयु भेन्टिलेटर उपहार स्वरुप प्रदान
काठमाडौं । कोरोना महामारीविरुद्धको लडाइँमा नेपाल सरकारलाई भारतले २८ वटा आइसीयु भेन्टिलेटर उपहार स्वरुप प्रदान गरेको छ ।
भारत सरकारको तर्फबाट नेपालका लागि भारतीय राजदूत विनय मोहन क्वात्राले आइतबार स्वास्थ्य तथा जनसंख्यामन्त्री भानुभक्त ढकाललाई २८ वटा आइसीयु भेन्टिलेटर उपहार स्वरुप प्रदान गरेको विज्ञप्तिमा उल्लेख छ ।
यसअघि भारतले नेपाललाई वैशाख १० गते प्यारासिटामोल, हाइड्रोक्लोरोक्वीन लगायतका अत्यावश्यक स्वास्थ्य सामग्री, जेठ ४ गते कोभिड–१९ परीक्षण कीट (आरटी–पिसिआर), साउन २५ गते आइसीयु भेन्टिलेटर र भदौ ३० गते रेमडेसिभिर औषधि प्रदान गरिसकेको छ ।
हस्तान्तरण समारोहमा बोल्दै राजदूत क्वात्राले कोभिड–१९ महामारी विरुद्धको लडाइँमा सफलता हासिल गर्न नेपाल सरकार र नेपाली जनतासँग भारतको अटूट साथ रहेको बताए ।
उनले यस किसिमका आवश्यक सहयोग गर्न भारत सधै प्रतिबद्ध रहेको बताएका छन् ।
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया