गोली हानाहानपछि विप्लवका चार कमाण्डर पक्राउ
बनेपा । प्रहरीले काभ्रे जिल्लाबाट नेत्रबिक्रम चन्द ‘विप्लव’ नेतृत्वको नेकपाका कमाण्डरहरूलाई पक्राउ गरेको छ ।
रोशी गाउँपालिकाको काफ्लेडाँडामा मंगलबार राति विप्लव समूहसँग गोली हानाहान भएपछि सर्च अभियानको क्रममा चार जनालाई पक्राउ गरिएको हो ।
पक्राउ परेका नेकपाका कमाण्डरहरूको नाम प्रहरीले खुलाएको छैन । पक्राउ परेका चार जनालाई प्रहरीले मंगलबार राति नै काठमाडौं ल्याइसकेको छ ।
विप्लव समूहले माओवादी जनयुद्धमा जस्तै सिंगो नेपाललाई पूर्वी कमाण्ड, मध्यकमाण्ड र पश्चिम कमाण्ड भनेर बिभाजन गर्दै नेता–कार्यकर्ताहरूको जिम्मेवारी बाँडफाँट गरेको छ ।
मंगलबार राति काभ्रेमा प्रहरी र विप्लव समूहबीच दोहोरो फायरिङ भएको थियो । फायरिङमा नेकपाका केही नेताहरू घाइते भएको जनाइएको छ ।
नेकपाका नेता तथा कार्यकर्ताहरूलाई पिछा गर्ने क्रममा प्रहरीमाथि गोली चलाएपछि दोहोरो फायरिङ भएको प्रहरीले जनाएको छ ।
यसमा तपाइको मत