कांग्रेसभित्रको विवाद मिल्यो, पदाधिकारीको संख्या बढयो
काठमाडौं । महासमिति सदस्यहरूको दवावपछि नेपाली कांग्रेसको पदाधिकारी विवाद मिलेको छ ।
कांग्रेसमा अब ९ जना पदाधिकारी रहनेछन३ । पदाधिकारीहरूमध्ये कोषाध्यक्ष र प्रवक्ता बाहेक सबै निर्वाचित हुनेछन् ।
सभापति शेरबहादुर देउवा र वरिष्ठ नेता रामचन्द्र पौडेल समूह उपसभापति, महामन्त्री र सहमहामन्त्री २–२ जना राख्न सहमत भएका हुन् ।
यो देउवाले प्रस्ताव गरेको संख्या हो । निर्वाचन पद्धतिमा पौडेलको अडान सदर भएको छ ।
सभापति, उपसभापति, महामन्त्री र सहमहामन्त्री सबै महाधिवेशनले नै निर्वाचित गर्नेछ । कोषध्यक्ष र प्रवक्ता मनोनीत हुनेछ ।
शीर्ष तहमा भएको सहमतिलाई केहीबेरमा केन्द्रीय कार्यसमिति बैठकले अनुमोदन गर्नेछ र विधान संशोधन प्रस्तावलाई महासमिति बैठकमा पेश हुनेछ ।
विधान संशोधनमा सहमति हुन नसक्दा महासमिति बैठकको छलफल समेत प्रभावित हुँदै आएको छ ।
Published : Tuesday, 2018 December 18, 8:37 pm
फेसबुकबाट तपाईको प्रतिक्रिया
बिचार/ब्लग
यसमा तपाइको मत