कम्युनिस्ट सरकारले राष्ट्रपतिलाई किनिदियो एक अर्ब ५० करोडको हेलिकप्टर
काठमाडौं । कम्युनिस्ट सरकारले राष्ट्रपति विद्यादेवी भण्डारीलाई एक अर्ब ५० करोड खर्च गरेर सुविधा सम्पन्न हेलिकप्टर खरिद गरेको रहस्य बाहिर आएको छ ।
नेपाल कम्युनिस्ट पार्टी (नेकपा)का अध्यक्ष समेत रहेका प्रधानमन्त्री खडगप्रसाद ओली नेतृत्वको कम्युनिस्ट सरकारले राष्ट्रपति भण्डारीलाई यति महँगो हेलिकप्टर खरिद गरेको समाचार कारोबार दैनिकले आइतबारको अंकमा समाचार प्रकाशित गरेको छ ।
मन्त्रिपरिषद् बैठकबाट स्वीकृकत गराएर नेपाली सेनाले राष्ट्रपतिका लागि मात्रै प्रयोग हुने गरी झण्डै डेढ अर्ब रुपियाँ खर्चेर इटालीमा निर्मित १४ सीट क्षमताको ‘अगुस्टा–वेस्टल्याण्ड–एडब्लू–१३९’ हेलिकप्टर खरिद गरेको छ ।
सेरेमोनियल राष्ट्रपति क्रमशः सुविधाभोगी बन्दै गएको आरोप लागिरहेका बेला कम्युनिस्ट सरकारले भण्डारीलाई थप विवादमा तान्नेगरी २४ सैँ घण्टा स्टयाण्डबाइ रहनेगरी महँगो हरिकप्टर खरिद गरेको छ ।
सरकारले राष्ट्रपति भण्डारीलाई खरिद गरिदिएको सुविधा सम्पन्न हेलिकप्टरको नेकपाका महासचिव विष्णु पौडेलले बचाउ गरेका छन ।
नेपाली रेडियो नेटवर्कमा आइतबार बिहान पत्रकार ऋषि धमलासँग कुरा गर्दै राष्ट्रपति भण्डारीलाई विवादित बनाउन हेलिकप्टर खरिदको विरोध भएको बताए । ‘राष्ट्रपतिलाई विवादमा किन तानिन्छ ?’, उनले भने, ‘आवश्यक पर्ने बस्तु खरिद गर्दा विरोध गर्नु हुँदैन ।’
पौडेलले राष्ट्रपति भण्डारीलाई खरिद गरिएको हेलिकप्टरको बारेमा विवाद नगर्न चेतावनी दिए ।
यसअघि राष्ट्रपति भण्डारीलाई विलासी गाडी खरिद गर्न कम्युनिस्ट सरकारले १८ करोड रुपियाँ निकासा गरिसकेको छ । यो निर्णयको सर्वसाधारणदेखि प्रमुख विपक्षी दल नेपाली कांग्रेसले समेत विरोध गरिसकेको छ ।
Kaha bata aayo yetro ek aarba pachash karod paisa….yetro paisha khar cha garera kinna jaruri thiyo ra janta ko khun pasina ko paisa shahi thauma shadupayog garnu paro neta jiyou..