ओली सरकार हरेक मोर्चामा असफल भयोः शेरबहादुर देउवा
काठमाडौं । नेपाली कांग्रेसका सभापति शेरबहादुर देउवाले पार्टीका वरिष्ठ नेता रामचन्द्र पौडेलमाथि गम्भीर आरोप लगाएका छन् ।
काठमाडौंमा शनिबार महासमिति बैठकको उद्घाटन सत्रलाई सम्बोधन गर्दै देउवाले आफूविरुद्ध जति पनि बोल्ने पौडेलले सरकारविरुद्ध नबोल्नुको कारण पनि सोधेका हुन् ।
‘मेराविरुद्ध जति पनि बोल्नेले सरकारका विरुद्ध किन माधव नेपाल जति बोल्दैनन ?’, देउवाले भने । देउवाको अभिव्यक्ति पौडेलविरुद्ध थियो ।
देउवाले पार्टीबाट असहयोग भएको आरोप लगाउँदै आक्रोश पनि पोखे । पार्टीलाई अनुशासित र एकताबद्ध बनाउन महासमिति बैठक सफल हुने आशा देउवाले व्यक्त गरेका छन् ।
सरकार हरेक मोर्चामा असफल भइसकेको आरोप लगाउदै देउवाले कञ्चनपुरकी बालिका निर्मला पन्तका हत्यारालाई सरकारले नै संरक्षण गरेको बताए । केपी ओली नेतृत्वको सरकारले जनतालाई महँगी र भ्रष्टाचार उपहार दिएको देउवाको टिप्पणी थियो ।
बुढीगण्डकी जलविद्युत आयोजना प्रतिष्पर्धाबिना नै विदेशी कम्पनीलाई दिने सरकारी निर्णयको पनि देउवाले विरोध गरेका छन् ।
यसमा तपाइको मत