कांग्रेस नेतृ चौधरीद्वारा सहकारी ठगका आरोपी गृहमन्त्री लामिछानेको राजीनामा माग
![](https://i0.wp.com/www.republicadainik.com/wp-content/uploads/2024/05/Chanda-Chaudhary.jpg?resize=810%2C458)
काठमाडौं । नेपाली कांग्रेसकी केन्द्रीय सदस्य चन्दा चौधरीले गृहमन्त्री रवि लामिछानेले राजीनामा दिएर मार्ग प्रशस्त गर्नुपर्ने बताएकी छन् ।
बुधबार कांग्रेसको केन्द्रीय कार्यालय सानेपामा बसेको केन्द्रीय कार्यसमितिको बैठकपछि पत्रकारहरूसँग कुरा सांसद समेत रहेकी नेतृ चौधरीले सहकारीको रकम हिनामिना प्रकरणमा संलग्न रहेका गृहमन्त्री लामिछानेले पदबाट राजीनामा दिनुपर्ने बताइन् ।
उनले भनिन्, ‘हामीले पहिले पनि उहाँले राजीनामा गरेर निष्पक्ष छानबिनका लागि मार्ग प्रशस्त गर्नुपर्छ भनिरहेका छौं । पार्टीले पनि त्यो निर्णय गर्ला ।’
संसदको प्रमुख प्रतिपक्षी दलले लाखौं सहकारी पीडितको न्याय माग्दा सरकारले अधिनायकवादी चरित्र देखाएको आरोप नेतृ चौधरीले लगाएकी छिन् ।
उनले संसदमा प्रमुख प्रतिपक्षी दललाई पेलेर लैजाने सत्तापक्ष र सभामुखको भूमिकाप्रति प्रश्न गरेकी छिन् ।
‘सत्तापक्षले पेलेर लैजाने त कुरा छँदैछ । सभामुखज्यूले पनि आफ्नो पदीय भूमिका निर्वाह गरिरहनुभएको छैन’, उनले भनिन् ।
‘यतिबेला हामी स्वर्गीय सुवासचन्द्र नेम्वाङलाई स्मरण गरिरहेका छौं, जसले संसदमा यस्तो भूमिका कहिल्यै निभाउनुभएन’, सांसद चौधरीले भनिन् ।
उनले संसदीय छानबिन समिति नबनेसम्म कांग्रेसले निरन्तर संसद अवरुद्ध पार्ने बताइन् । ‘आगामी संसद बैठक पनि अवरुद्ध गर्छौं’, चौधरीले भनिन्, ‘सायद सत्तापक्षले अस्तीजसरी नै कांग्रेसलाई घेरेर संसद सञ्चालन गर्नेछ ।’
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया