नेपालको रणनीति बुझेपछि दाहाल–ओलीबीच वार्ता
![](https://i0.wp.com/www.republicadainik.com/wp-content/uploads/2023/05/Prachand-Kp-Oli.jpg?resize=810%2C464)
काठमाडौं । सुदूरपश्चिम प्रदेश सरकार बचाउन नेकपा (एकीकृत समाजवादी)ले हल्लाखल्ला गरिरहेका बेला प्रधानमन्त्री पुष्पकमल दाहाल ‘प्रचण्ड’ र एमालेका अध्यक्ष खड्गप्रसाद ओलीबिच भेटवार्ता भएको छ ।
बिहीबार बिहान सिंहदरबारस्थित प्रधानमन्त्रीको कार्यालयमा दाहाल र ओलीबीच भेटवार्ता भएको छ । भेटमा के कुरा भयो ? औपचारिक रुपमा केही भनिएको छैन ।
दाहाल र ओलीबीच सुदूरपश्चिम सरकारका बारेमा छलफल केन्द्रित रहेको बुझिएको छ । नेकपा (एकीकृत समाजवादी)का अध्यक्ष माधवकुमार नेपालले सुदूरपश्चिम सरकार बचाउन सत्ता गठबन्धनविरुद्ध अभिव्यक्ति दिँदै आएका छन् । अध्यक्ष नेपालले सरकार छाड्नेसम्मको धम्की दिँदै आएका छन् ।
नेकपा (एकीकृत समाजवादी)का मुख्यमन्त्री दीघबहादुर सोडारीले शुक्रबार सुदूरपश्चिम प्रदेशसभामा विश्वासको मत लिन लागेका छन् । सोडारी नेतृत्वको सरकारलाई समर्थन गरे पनि एमाले र माओवादी केन्द्रले सहभागी नहुने जनाउँदै आएका छन् ।
दाहाल र ओलीबीच नेकपा (एकीकृत समाजवादी)का अध्यक्ष नेपालको असन्तुष्टि तथा धम्कीका विषयमा पनि छलफल भएको बुझिएको छ । अध्यक्ष नेपालले पछिल्लो समय रणनैतिक रुपमा सत्ता गठबन्धनविरुद्ध सार्वजनिक रुपमा अभिव्यक्ति दिने गरेका छन् । नेपालका अभिव्यक्ति र गतिविधिलाई ओलीले टेरपुच्छर लगाएका छैनन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया