सल्यान कांग्रेसका सभापति विष्टलाई कुटपिट गर्ने वली पक्राउ
![](https://i0.wp.com/www.republicadainik.com/wp-content/uploads/2024/04/Keshav-Bista.jpg?resize=810%2C468)
घोराही । नेपाली कांग्रेस सल्यानका सभापति केशबहादुर विष्टमाथि कुटपिट गरेको आरोपमा भौतिक पूर्वाधार कार्यालय प्रमुख हरि वली पक्राउ परेका छन् ।
आइतबार बिहान वलीलाई जिल्ला प्रहरी कार्यालय सल्यानको टोलीले पक्राउ गरेको डीएसपी नवीन कार्कीले बताएका छन् ।
चैत २९ गते बेलुकी सल्लीबजारस्थित बालुवा संग्रहको कृष्ण होटलमा ५६ वर्षीय विष्ट र कार्यालय प्रमुख ३६ वर्षीय वलीबीच कुटाकुट भएको थियो ।
मदिरा सेवन गरी दुई पक्षबीच सामान्य भनाभनबाट सुरू भएको विवादपछि कुटाकुट भएको प्रहरीले जनाएको छ ।
कांग्रेस सभापति विष्टको टाउकोमा चोट लागेको छ । विष्टको टाउकोमा पाँच वटा टाँका लगाइएको छ ।
विष्टको टाउकोमा लागेको चोट सिसाबाट भएको देखिन्छ । वलीलाई भने कुनै गम्भीर चोट लागेको छैन ।
कांग्रेस सभापति विष्टले आफूमाथि आक्रमण भएको भन्दै प्रमुख वलीविरूद्ध किटानी जाहेरी दिएका छन् । प्रहरीले वलीलाई पक्राउ गरेको हो ।
प्रहरी हिरासतमा रहेका कार्यालय प्रमुख वली विरूद्ध विष्टले कुटपिट तथा अभद्र व्यवहार सम्बन्धी मुद्दा दर्ता गराएका छन् ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया