छ सय मेगावाटको दुधकोशी आयोजना समयमा पूरा गर्न सहयोग गर्छौं : सभापति खतिवडा
![](https://i0.wp.com/www.republicadainik.com/wp-content/uploads/2024/04/Ramhari-Khatiwada.jpg?resize=810%2C508)
हलेसी । प्रतिनिधि सभाको राज्य व्यवस्था तथा सुशासन समितिका सभापति रामहरि खतिवडाले ६ सय मेगावाटको दुधकोशी जलविद्युत आयोजनाको काम छिटो पूरा गर्न आग्रह गरेका छन् ।
शनिबार खोटाङको हलेसीमा दुधकोशी जलविधुत् कम्पनी लिमिटेडले र हलेसी तुवाचुङ नगरपालिकाले आयोजना गरेको दुधकोशी जलशाययुक्त जलविद्युत् आयोजना परामर्श कार्यक्रमलाई सम्बोधन गर्दै उनले जलविद्युत् आयोजना बिगार्ने मनासयले केही मानिस प्रवेश गरेको हुन सक्ने भन्दै सचेत रहन आग्रह गरेका हुन् ।
उनले भने, ‘दुधकोशी जलविद्युत आयोजना बिगार्ने मनसायले समेत मान्छेहरू छिरेका हुन्छन् । वास्तविक पीडितहरूलाई पहिचान गरेर दह्रो रुपमा राज्य लाग्नुपर्छ ।’
ओखलढुङ्गा र खोटाङका प्रमुख जिल्ला अधिकारीहरूलाई वास्तविक पीडितलाई पहिचान गरेर छिटो निर्णय लिन निर्देशन दिएका छन् । उनले स्थानीया जनप्रतिनिधि, सम्बधित सरोकारवलाहरूसँग बसेर छिटोभन्दा छिटो निर्णयको बाटोमा पुग्न भनेका छन् ।
सभापति खतिवडाले जलासयुक्त दुधकोशी जलविद्युत आयोजना देशकै लागि गौरवको आयोजना रहेको बताए ।
दुधकोशी जलविधुत् आयोजना शुरु हुन लागेकोमा आफू निकै खुशी भएको खतिवडाले बताएका छन् ।
‘आयोजना सफल बनाउन हामी जनप्रतिनिधि निरन्तर लागि रहेका छौं’, उनले भने, ‘काठमाडौं पुग्नेवितिकै प्रधानमन्त्री, अर्थमन्त्री र उर्जामन्त्रीसँग हामी ३ जिल्लाका माननीयहरू मुआव्जाको लागि भेटेर अगाडि बढाउन पहल गर्ने छौँ ।’
दुधकोशी जलविद्युत् आयोजनाको मुख्य बाँध खोटाङ र ओखलढुङ्गाको सिमनामा पर्ने रतुवा बजारभन्दा १ किलोमिटर दक्षिणमा निर्माण हुनेछ ।
६ सय मेगावटको मुख्य बिद्युतगृह खोटाङको हलेसी तुवाचुङ नगरपालिका वडा नं. ८ मा रहनेछ ।
हलेसी तुवाचुङ नगरपालिकाकी नगरप्रमुख विमला राईले दुधकोशी जलासययुक्त जलविद्युत् आयोजनाले खोटाङ, ओखलढुङ्गा र सोलुखुम्बुका जनताको जीवनस्तर सुधारमा सहयोग पुग्ने बताइन् ।
उनले स्थानीय प्रभावित जनताको मागलाई पनि आफूले विशेष ध्यान दिनेभन्दै सबैको सहयोगमा आयोजना पूरा गर्न सहयोग गर्ने आश्वासन दिएकी छिन् ।
![](https://i0.wp.com/www.republicadainik.com/wp-content/uploads/2024/04/5f7fba68-393f-47af-95e6-d11f85f1deca-1024x768.jpeg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2024/04/3f6a7318-4696-4363-9c8b-a2d7e45b3a97-1024x768.jpeg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2024/04/c5885f56-4da3-40d9-a353-3c5c6ec21b79-1024x768.jpeg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2024/04/cec29de6-e51c-4701-bc26-1ecf016d9ff0-1024x768.jpeg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2024/04/9308d08f-45ff-40fc-83a6-0ababdd3cc2b-1024x768.jpeg?resize=1024%2C768&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया