सर्लाही प्रहरीद्वारा अहिलेसम्मकै ठूलो अबैध रकम बरामद
![](https://i0.wp.com/www.republicadainik.com/wp-content/uploads/2024/04/SP-Dayanidhi-Gywali.jpg?resize=810%2C463)
मलङ्गवा । जिल्ला प्रहरी कार्यालय सर्लाहीले हुण्डी कारोबार गर्ने दुईजनालाई ठूलो रकमसहित पक्राउ गरेको छ ।
मलङ्गवा नगरपालिका वडा नं. ९ स्थित सडकखण्डमा २४ वर्षीय कमर राजा र ४० वर्षीय आरिफ अंसारीलाई २७ लाख ७५ हजार ९ सय ७० रुपियाँसहित पक्राउ गरिएको सर्लाही प्रहरीका प्रमुख (एसपी) दयानिधि ज्ञवालीले बताएका छन् ।
मलङ्गवा नगरपालिका वडा नं. ३ निवासी अली हुसेनको छोरा कमर राजाले बोकेको कालो रङ्गको झोलामा १ सय दरको नोट एक हजार थान गरी जम्मा १० लाख र लक्ष्मी सनराइज बैंक लिमिटेडको ९ लाख ९० हजार जम्मा गर्ने २ वटा भौचर समेत फेला परेको विज्ञप्तिमा उल्लेख छ ।
प्रहरीले रकम फेला पारपछि कमर राजालाई रकमको स्रोतका बारेमा सोधपुछ गरेको थियो । कमर राजाले स्रोत खुलाउन नसकेपछि रकमसहित प्रहरीले नियन्त्रणमा लिएको जनाइएको छ ।
कमर राजासँग सोधपुछ गर्दा उनको बयानका आधारमा मलङ्गवा नगरपालिका वडा नं. ३ बस्ने आरिफ अंसारीले सञ्चालन गरिएको फोन सिटी मोबाइल पसलबाट ल्याएको बयान दिएका थिए ।
कमर राजालाई उक्त नगदसहित नियन्त्रणमा लिइ आरिफ अंसारीको पसलमा खानतलासी गरिएको एसपी ज्ञवालीले बताए ।
आरिफ अंसारीको पसलको ¥याकको तल खैरो रङ्गको कपडाको झोलाभित्र कालो प्लाष्टिकभित्र लुखाइ राखेको नेपाली रुपियाँ १ सय दरको १४५४ थानमा जम्मा १४ लाख ५४ हजार बरामद भएको छ ।
पाँच सय दरको नोट ६२२ थान समेत ३ लाख एघार हजार बरामद भएको छ । १ सय दरको नोट १०९ थानमा १० हजार ९ सय रुपियाँ पनि बरामद भएको छ । रु.५० दरको नोट १ थान र रु.२० दर को नोट १ थान बरामद भएको छ ।
पसलको ¥याकबाट बरामद भएको नेपाली रुपियाँ १७ लाख ७५ हजार ९७० र कमर राजाको साथबाट बरामद भएको रकमसहित जम्मा २७ लाख ७६ हजार ९ सय ७० रुपियाँ बरामद भएको एसपी ज्ञवालीले बताए ।
आरिफ अंसारीले लालबन्दी नगरपालिका वडा नं. ७ मा सञ्चालन गरेको फोन सिटी मोबाइल पसल रहेको भनि सूचना प्राप्त हुना साथ आरिफ अंसारीलाई सोही स्थानबाट नियन्त्रणमा लिएको एसपी ज्ञवालीले बताए । आरिफ अंसारीलाई सोधपुछ गर्दा बरामद रकमको स्रोत खुलाउन नसकेको विज्ञप्तिमा उल्लेख छ ।
बरामद रकम हुण्डी कारोबारमा प्रयोग हुने रकम हुन सक्ने भएकोले कमर राजा र आरिफ अंसारी समेतलाई नियन्त्रणमा लिइ आवश्यक अनुसन्धान भइरहेको छ । हुण्डी कारोबार भइरहेको गोप्य सूचनाका आधारमा जिल्ला प्रहरी कार्यालय सर्लाहीका एसपी ज्ञवालीले प्रहरी निरीक्षक सविनकुमार कार्कीको नेतृत्वमा विशेष टोली खटाएका थिए ।
![](https://i0.wp.com/www.republicadainik.com/wp-content/uploads/2024/04/WhatsApp-Image-2024-04-01-at-09.46.18-1024x769.jpeg?resize=1024%2C769&ssl=1)
![](https://i0.wp.com/www.republicadainik.com/wp-content/uploads/2024/04/श्रोत-नखुलेको-नगद-सहित-हुण्डि-करोबार-पक्राउ-724x1024.jpg?resize=724%2C1024&ssl=1)
![](https://i0.wp.com/www.republicadainik.com/wp-content/uploads/2024/04/श्रोत-नखुलेको-नगद-सहित-हुण्डि-करोबार-पक्राउ-१-724x1024.jpg?resize=724%2C1024&ssl=1)
![](https://i0.wp.com/www.republicadainik.com/wp-content/uploads/2024/04/WhatsApp-Image-2024-04-01-at-09.46.14-780x1024.jpeg?resize=780%2C1024&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया