तरुण दलको ५औँ महाधिवेशन एक वर्षभित्र गर्ने प्रस्तावसहितको कार्यतालिका पेस
![](https://i0.wp.com/www.republicadainik.com/wp-content/uploads/2024/03/Tarun-Dal.jpg?resize=810%2C384)
काठमाडौं । नेपाल तरुण दलका अध्यक्ष विद्वान गुरुङले विक्रम संवत् २०८१ चैत महिनाभित्र केन्द्रीय महाधिवेशन गरिसक्ने गरी कार्यतालिका बनाएका छन् ।
ललितपुरको कुपण्डोलमा बिहीबार बसेको तरुण दलको केन्द्रीय कार्यसमितिको बैठकमा अध्यक्ष गुरुङद्वारा प्रस्तावको कार्यतालिकामा ०८१ भित्र केन्द्रीय महाधिवेशन गरिसक्ने उल्लेख छ ।
अध्यक्ष गुरुङले नेपाल तरुण दलको पाँचौं राष्ट्रिय महाधिवेशनको कार्यतालिका पेस गरेपछि केन्द्रीय सदस्यहरूले आ–आफ्नो धारणा राखेका छन् ।
अध्यक्ष गुरुङले नेपाल तरूण दलको पाँचौ महाधिवेशन आजैका मितिबाट सुरु भएको बताएका छन् । बैठकमा जजरकोट भूकम्पमा सहयोग गर्ने सबैमा धन्यवाद प्रस्ताव सर्वसम्मतले पारित भएको छ ।
पाँचौँ महाधिवेशनका लागि ५ सदस्यीय विधान मस्यौदा समिति बनाउन अध्यक्ष गुरुङले प्रस्ताव गरेका छन् समितिको सदस्य सचिवमा तरुण दल केन्द्रीय कार्यालयका मुख्य सचिव ठानप्रसाद पोखरेललाई प्रस्ताव गरिएको छ ।
![](https://i0.wp.com/www.republicadainik.com/wp-content/uploads/2024/03/8f8dab1a-921f-49be-81c4-e08940c046ff.jpeg?resize=1024%2C768&ssl=1)
जेठ २७–२८ गते अर्को बैठक बस्नुपर्ने प्रस्ताव गरिएको छ । ७७ जिल्लामा प्रतिनिधि खटाउने, जेठ ५ गतेभित्र विधानको राय दिने प्रस्तावमा उल्लेख छ । जेठ १५ गतेभित्र समितिले विधान मस्यौदा अध्यक्षलाई बुझाउने भनिएको छ ।
असार मसान्तभित्र पार्टीले लागू गरेको कार्यक्रम कार्यान्वयन गर्ने, असार र साउन तरूण अभियान चलाउने, जहाँ विपद् त्यहाँ तरूण अभियान चलाउने, जहाँ कृषि त्यहाँ तरूण दल अभियान चलाउन पनि प्रस्ताव गरिएको छ ।
साउन १५ गतेदेखि पूर्णकालीन वितरण, २०८१ असोज मसान्तसम्म ६७२७ सबै वडाको अधिवेशन सम्पन्न गर्ने, कार्तिक र मंसिरमा पालिका अधिबेशन गर्न प्रस्ताव गरिएको छ ।
पुस र माघमा क्षेत्र र प्रदेससभा अधिवेशन गर्ने, माघ मसान्तसम्म ७७ जिल्ला अधिवेशन, फागुन र चैतभित्र ७ प्रदेश र केन्द्रीय अधिवेशन गर्न अध्यक्ष गुरुङले प्रस्ताव गरेका छन् । तरुण दलको केन्द्रीय कार्यसमितिको बैठक शुक्रबार बिहान ८ बजे पुनः बस्नेछ ।
![](https://i0.wp.com/www.republicadainik.com/wp-content/uploads/2024/03/Bidwan-Gurung-1.jpg?resize=810%2C450&ssl=1)
![](https://i0.wp.com/www.republicadainik.com/wp-content/uploads/2024/03/434655656_2763248430481933_9160331175968907054_n-1.jpg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2024/03/35d9eb44-1965-413b-8f1d-42b63258dd2b.jpeg?resize=1024%2C768&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया