सभापति देउवा र अध्यक्ष भट्टराईबीच भेटवार्ता, गण्डकी सरकार बचाउने सहमति
![](https://i0.wp.com/www.republicadainik.com/wp-content/uploads/2024/03/Sherbahadur-Deuba-Baburam.jpg?resize=810%2C469)
काठमाडौं । नेपाली कांग्रेसका सभापति शेरबहादुर देउवा र नेपाल समाजवादी पार्टी (नेसपा)का अध्यक्ष बाबुराम भट्टराईबीच गण्डकी प्रदेश सरकारका विषयमा छलफल भएको छ ।
बुधबार बिहान बुढानिलकण्ठमा गण्डकी प्रदेश सरकारका विषयमा छलफल भएको बुझिएको छ । देउवा र भट्टराईबीच गण्डकी प्रदेशमा कांग्रेसका मुख्यमन्त्री सुरेन्द्रराज पाण्डे नेतृत्वको सरकारलाई टिकाउने विषयमा सहमति बनेको छ ।
गण्डकीमा कांग्रेसका २७ प्रदेश सभा सदस्य छन् । राप्रपाका २, एकीकृत समाजवादीबाट बाहिरिएर स्वतन्त्र हैसियत मगेका दीपक मनाङे र माओवादी केन्द्रबाट चुनाव चिन्हमा जितेका नेसपाका फणिन्द्र देवकोटाको समर्थनमा बहुमत जुटाउन मुख्यमन्त्री पाण्डे प्रयासरत छन् ।
कांग्रेस नेतृत्वको गण्डकी प्रदेशको सरकारलाई समर्थन गर्ने सन्दर्भमा अध्यक्ष भट्टराईले सभापति देउवालाई सकारात्मक जवाफ दिएका छन् ।
मुख्यमन्त्री पाण्डेलाई राजिव गुरुङ (दीपक मनाङे) र फणिन्द्र देवकोटाले साथ दिने देखिएका छन् । गण्डकी प्रदेश सरकारको सत्ता समीकरणमा निर्णायक शक्ति राप्रपाले मुख खोलेको छैन ।
राप्रपाको साथ पाउने अवस्था बने विश्वासको मत लिने मुख्यमन्त्री पाण्डेको तयारी छ । चैत २२ गतेसम्म मुख्यमन्त्री पाण्डेले विश्वासको मत लिनुपर्ने संवैधानिक बाध्यता छ ।
गण्डकी प्रदेश सभामा एमालेका २२ र माओवादी केन्द्रका (सभामुख र देवकोटा) बाहेक ६ र राप्रपाका २ गरी ३० सांसद मात्र हुन्छ । ६० सदस्यीय गण्डकी प्रदेशमा बहुमतका लागि ३१ सांसद आवश्यक पर्छ ।
संविधानको धारा १८६ को उपधारा २ अनुसार सरकार बन्न नसके प्रदेशसभाको पहिलो दलको हैसियतमा कांग्रेस नेतृत्वको सरकार बन्छ ।
सभापति देउवा र अध्यक्ष भट्टराईबीच भएको भेटवार्ताका क्रममा कांग्रेसका नेता कृष्णप्रसाद सिटौला पनि उपस्थित रहेका थिए ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया