दाङको ग्वारखोलामा ट्याक्टरको ठक्करबाट सुबिनाको मृत्यु
![](https://i0.wp.com/www.republicadainik.com/wp-content/uploads/2023/10/Tractor.jpg?resize=810%2C494)
घोराही । ट्याक्टरको ठक्करबाट दाङ जिल्लामा ३ वर्षीया सुबिना बानुको मृत्यु भएको छ ।
तुलसीपुर उपमहानगरपालिका–१२ ग्वारखोलास्थित सडकमा रा.१ त १५५९ नम्बरको ट्याक्टरको ठक्करबाट बाँके नेपालगञ्ज उपमहानगरपालिका–६ बस्ने अबदुल जबरारको छोरी सुबिना बानुको आइतबार दिउँसो मृत्यु भएको प्रहरीले जनाएको छ ।
ठक्करबाट गम्भीर घाइते भएकी उनको प्रादेशिक अस्पताल तुलसीपुरमा उपचारको क्रममा मृत्यु भएको प्रहरी भनाइ छ ।
प्रहरीले ट्याक्टर चालकलाई नियन्त्रणमा लिएर अनुसन्धान गरिरहेको जनाएको छ ।
यता, इलामको सूर्योदय नगरपालिका–१२ मलिमस्थित सडकमा मे.१ ह ४६८९ नम्बरको अटो अनियन्त्रित भई सडकबाट करिब १ सय ५० मिटर तल खसेर आइतबार दिउँसो दुर्घटना हुँदा आटोमा सवार सोही ठाउँ बस्ने ५६ वर्षीया मनकुमारी प्रधानको मृत्यु भएको छ ।
दुर्घटनामा गम्भीर घाइते भएकी उनको बिर्तासिटी अस्पताल झापामा उपचारको क्रममा मृत्यु भएको हो । अटो चालकलाई प्रहरीले नियन्त्रणमा लिएको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया