गठबन्धन भत्काउन सहयोग गरेका खनाललाई इलाम- २ मा ओलीले झट्का दिए
![](https://i0.wp.com/www.republicadainik.com/wp-content/uploads/2024/03/Kp-Oli-Jhalanath-Khanal.jpg?resize=810%2C502)
काठमाडौं । इलाम क्षेत्र नं. २ को उपनिर्वाचनको टिकटमा एमालेको निर्णयले नेकपा (एकीकृत समाजवादी)का नेता झलनाथ खनाललाई झट्का लागेको छ ।
नेपाली कांग्रेससँगको गठबन्धन भत्काउन सहयोग गरेमा खनाललाई इलाम– २ को उपनिर्वाचनमा सहयोग गर्ने आश्वासन एमालेका अध्यक्ष केपी ओलीले दिएका थिए । उपनिर्वाचनमा एमालेको सहयोग पाउने आश्वासन पाएका कारण नेता खनालको दवावमा नेकपा (एकीकृत समाजवादी)लाई सरकारमा जान दवाव दिएका थिए ।
खनालकै जोडबल र दवावमा नेकपा (एकीकृत समाजवादी) कांग्रेससँगको गठबन्धन भत्काएर एमाले र माओवादी केन्द्रको गठबन्धनको कम्युनिस्ट सरकारमा सहभागी भएको थियो ।
अध्यक्ष ओलीले पूर्वप्रधानमन्त्री खनाललाई उपनिर्वाचनमा सहयोग गर्न अस्वीकार गर्दै एमालेबाट सुहाङ नेम्वाङलाई टिकट दिने निर्णय भएको छ । इलाम–२ मा वैशाख १५ गते उपनिर्वाचन हुन लागेको छ ।
![](https://i0.wp.com/www.republicadainik.com/wp-content/uploads/2024/03/Suhang-Nemwang-Ilam-2-1.jpg?resize=810%2C461&ssl=1)
ललितपुरमा आइतबार बसेको एमालेको सचिवालय बैठकले स्व.सुवासचन्द्र नेम्वाङका छोरा सुहाङ नेम्वाङलाई टिकट दिएर उम्मेदवार बनाउने निर्णय भएको उपमहासचिव प्रदीप ज्ञवालीले बताएका छन् ।
ज्ञवालीले भने, ‘सिंगो पार्टी शक्ति उम्मेदवार विजयी गराउन केन्द्रित हुने र अरु पार्टीहरुलाई पनि हाम्रो उम्मेदवारलाई सहयोग गर्न अपील गर्ने निर्णय गरेको छ ।’
सुवास नेम्वाङको भदौ २५ गते निधन भएपछि इलाम– २ मा उपनिर्वाचन हुन लागेको छ । इलाम–२ को उपनिर्वाचनका लागि एमालेबाट सुहाङ नेम्वाङसँगै बुद्धि खनाल, रविन्द्र सुवेदी, नरेन्द्रनाथ भट्टराई, देवी क्षेत्री दुलाल र रिम्पल राईले दाबी गरेका थिए ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया