स्वर्णिम वाग्लेलाई स्वर्णिम वाग्ले बनाएको कांग्रेसले हो, धेरै अहँकार नगरे हुन्छ : नेता सिटौला
![](https://i0.wp.com/www.republicadainik.com/wp-content/uploads/2019/06/Krishnaprasad-Sitaula-1.jpg?resize=800%2C475)
काठमाडौं । नेपाली कांग्रेसका नेता कृष्णप्रसाद सिटौलाले राष्ट्रिय स्वतन्त्र पार्टी (रास्वपा)का नेता स्वर्णिम वाग्लेलाई हैसियतमा बस्न चेतावनी दिएका छन् ।
आइतबार राति हिमालय टेलिभिजनको यज्ञ प्रश्न कार्यक्रममा अन्तर्वार्ताका क्रममा नेता सिटौलाले स्वर्णिम वाग्लेलाई अहँकार नगर्न सुझाव दिए । विद्वान मान्छेले नम्र भएर बोल्छ भन्ने सुनेको बताउँदै उनले स्वर्णिम वाग्लेलाई स्वर्णिम बनाएको कांग्रेस रहेको बताए ।
प्रतिनिधिसभाको बैठकमा रास्वपाका सांसद समेत रहेका नेता स्वर्णिम वाग्लेले नेपाली कांग्रेसले बाटोमा माला लगाइदिएर प्रधानमन्त्री बनाइदिन्छ कि भनेर डराएर हिँड्नु परेको अभिव्यक्ति दिएका थिए । त्यो अभिव्यक्तिको खण्डन गर्दै सिटौलाले स्वर्णिम वाग्लेहरू औकातमा बस्नुपर्ने सचेत गराएका हुन् ।
सिटौलाले भने, ‘स्वर्णिम वाग्लेजीको अहँकार हो । धेरै अहँकार नगरे हुन्छ उहाँले । उहाँलाई स्वर्णिम वाग्ले भनेर चिनाएको पनि कांग्रेसले नै हो भन्ने कुरा उहाँले बुझ्न सक्नुपर्छ ।’
‘धेरै बताउँदिन । उहाँ विद्वान मान्छे हैन ?’, प्रश्न गर्दै नेता सिटौलाले भने, ‘विद्वान मान्छेमा अहँकार हुँदैन नम्रता मात्रै हुन्छ भन्ने सुनेको हो । उहाँल नम्रतापूर्वक राजनीति गर्नु उहाँकै हितमा हुन्छ ।’
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया