तरुण दलकाे केन्द्रीय समिति बैठक आह्वान, अनुसन्धानको दायरामा रहेका मन्त्रीबारे विशेष निर्णय हुने
![](https://i0.wp.com/www.republicadainik.com/wp-content/uploads/2023/03/Sherbahadur-Deuba-Bidwan-.jpg?resize=810%2C474)
काठमाडौं । मुलुकको पछिल्लो राजनीतिक अवस्था र भावी रणनीतिका विषयमा छलफल गर्न नेपाल तरुण दलको केन्द्रीय कार्यसमिति बैठक बस्न लागेको छ ।
अध्यक्ष विद्वान गुरुङले केन्द्रीय कार्यसमितिको बैठक आह्वान गरेको तरुण दल केन्द्रीय कार्यालयका मुख्य सचिव ठानप्रसाद पोखरेलद्वारा जारी सूचनामा उल्लेख छ ।
बैठक चैतको १५ र १६ गते बिहान ११ बजे ललितपुरको कुपण्डोलस्थित कुपण्डोल व्यान्क्वेटमा हुनेछ ।
नेपाल तरुण दलको पाँचौँ राष्ट्रिय महाधिवेशनको तयारीका सम्बन्धमा पनि विशेष निर्णय हुनेछ । अध्यक्ष गुरुङले भने, ‘पाँचौँ राष्ट्रिय महाधिवेशनको तयारीका विषयमा छलफल हुनेछ । मुलुकको पछिल्लो राजनीतिक अवस्था र भावी रणनीतिका विषयमा पनि छलफल हुनेछ ।’
सत्तामा रहेका दलका केही मन्त्रीहरू अनुसन्धानको दायरामा रहेको र अराजक हर्कत गरिरहेको विषयमा पनि तरुण दलले गम्भीर छलफल गर्नेछ ।
उप–प्रधानमन्त्री समेत रहेका गृहमन्त्री रवि लामिछाने सहकारीको रकम दुरुपयोग गरेको काण्डमा मुछिएका छन् । अर्थमन्त्री वर्षमान पुन सुन तस्करी प्रकरणमा मुछिएका छन् ।
नेपाली कांग्रेसले अनुसन्धानको दायरमा रहेका मन्त्रीहरूका बारेमा प्रधानमन्त्री पुष्पकमल दाहाल ‘प्रचण्ड’को धारणा माग गरेर सदन अबरोध गरिसकेको छ ।
![](https://i0.wp.com/www.republicadainik.com/wp-content/uploads/2024/03/432089960_2334105646780544_8886614709221339372_n-791x1024.jpg?resize=791%2C1024&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया