दोलखा, रामेछाप र ओखलढुङ्गाका केटाहरुको ग्याङ घट्टेकुलोबाट पक्राउ
![](https://i0.wp.com/www.republicadainik.com/wp-content/uploads/2023/11/Police-Van.jpg?resize=810%2C504)
काठमाडौं । प्रहरी हौं भन्दै डर त्रास देखाई लुटपाट गरेको अभियोगमा प्रहरीले काठमाडौंबाट ३ जनालाई पक्राउ गरेको छ ।
घट्टेकुलोस्थित ३२ क्याफेमा भएको लुटपाटमा संलग्न रहेको अभियोगमा ३ जनालाई सोमबार प्रहरीले पक्राउ गरेको विज्ञप्तिमा उल्लेख छ ।
पक्राउ पर्नेहरूमा काठमाडौंको कपन बस्ने दोलखाको शैलुङ्ग गाउँपालिका–१ घर भएका ३२ वर्षीय प्रमेश्वर खडका, रामेछापको मन्थली नगरपालिका–९ घर भएका २८ वर्षीय मिलन तामाङ भन्ने विनोद सुन्दास र गोकर्णेश्वर नगरपालिका–५ डेरा गरी बस्ने ओखलढुङ्गाको चिशंखुगढी गाउँपालिका–४ घर भएका ३७ वर्षीय प्रेम राई रहेका छन् ।
उनीहरूले एक जना पीडितलाई आइतबार राति मिलन लामा नाम गरेको फेसबुक आईडीबाट आईफोन लगायतको इलेक्ट्रोनिक ग्याजेटहरू किन्छु भनेर सो क्याफेमा बोलाई सामान हेरी सकेपश्चात हामी प्रहरी हौं भनी डर, धाक, धम्की दिई लुटपाट गरी फरार भएको भन्ने सूचना प्राप्त हुनासाथ जिल्ला प्रहरी परिसर काठमाडौं र प्रहरी वृत्त सिहंदरबारबाट खटिएको प्रहरीले लुटपाटमा संलग्न उनीहरूलाई काठमाडौं न्यूरोडबाट पक्राउ गरेको हो ।
उनीहरूको साथबाट नगद २१ हजार ४ सय ७० रूपियाँ, मोबाइलहरू, सेट १ थान र राष्ट्रिय अनुसन्धान विभागको परिचयपत्र लगायतका सामानहरू बरामद भएको छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया