काठमाडौं । नेपाली कांग्रेस बागमती प्रदेशका सभापति ईन्द्रबहादुर बानियाँले सभापति शेरबहादुर देउवाको नेतृत्वमा युगान्त परिवर्तन हुने बताएका छन् ।

सोमबार ललितपुरको गोदावरीमा महासमिति बैठकमा बोल्दै बानियाँले भने, ‘सभापतिले नेतृत्व लिँदै कांग्रेसलाई युगान्त परिवर्तन गर्दै अब आउने हरेक परिवर्तनको नेतृत्व कांग्रेसले गर्‍यो । अबको सुशान, पारदर्शिताको हुनेछ ।’

‘धेरै मिशनहरूको बीचमा कांग्रेसले महासमितिको बैठक गर्न लागेको छ’, उनले भने, ‘मिशन ०८४ निर्वाचनको कुरा उठिरहेका बेला कांग्रेसले धेरै मिशन ०८४ हरू पूरा गरेर आएको छ ।’

उनले भने, ‘जनताको पक्षमा जहानीया राणशासनको अन्त्य गर्दै ०८४ गर्‍यो, अर्को पञ्चायती एकदलीय व्यवस्थाको ०८४ अन्त्य गर्दै अर्को ०८४ गर्‍यो । माओवादीको सशस्त्र विद्रोहमा हतियार बिसाउँदै अर्को हतियारको ०८४ गर्दै नेपाली कांग्रेस अब आउने ०८४ को आफ्नो नीति अधिवेशनबाट जनताको चाहना र भावना अनुसार पारदर्शिता, बेथितिको अन्त्य गर्दै थिति बसालेर मुलुक सुशासन र जवाफदेही कांग्रेस बनाउन चाहन्छौँ ।’

‘कांग्रेसले प्रजातन्त्र स्थापना दिवसको दिन महासमितिको बैठक राखेको छ’, बानियाँले भने, ‘कांग्रेसले आफूलाई जनताको पक्षमा वकालत गर्दै आएको छ ।’

‘मुलुकका सबै किसिमको परिवर्तनको नेतृत्व गर्दै आएको छ’, सभापति बानियाँले भनेका छन् ।