व्यूरोद्वारा काठमाडौंमा मनोद्धिपकसहित चारजना पक्राउ
![](https://i0.wp.com/www.republicadainik.com/wp-content/uploads/2024/02/Pakrau-Kathmandu.jpg?resize=810%2C360)
काठमाडौं । नेपाल प्रहरीको लागुऔषध नियन्त्रण व्यूरो, काठमाडौंले मनोद्धिपक लागु पदार्थ एम्फेटामाईन २०० ट्याब्लेट (१९.९४ ग्राम) र नियन्त्रित लागुऔषध ६६०० एम्पुलसहित ४ जना कारोवारीलाई पक्राउ गरेको छ ।
विशेष सूचनाको आधारमा लागुऔषध नियन्त्रण व्यूरोको निरन्तर निग्रानी तथा कार्वाहीको क्रममा अवैध लागुऔषध कारोवार गर्ने व्यक्तिहरूलाई लागुऔषधसहित पक्राउ गरिएको व्यूरोद्वारा शुक्रबार जारी विज्ञप्तिमा उल्लेख छ ।
पक्राउ परेका चारजनाविरुद्ध लागुऔषध (नियन्त्रण) ऐन २०३३ बमोजिम काठमाडौं जिल्ला अदालतबाट लागुऔषध मुद्दामा म्याद थप गरी थप अनुसन्धान भइरहेको छ ।
व्यूरोबाट खटिएको प्रहरी टोलीले माघ २४ गते बुढानिलकण्ठस्थित सडक किनारामा बंगलादेशी नागरिक वर्ष ३५ को मोहमद मामुन खान नाम गरेको व्यक्तिलाई फेला पारेको छ ।
खानको साथबाट लागुऔषध एम्फेटामाईन ९७ ट्याब्लेट (९ ग्राम ६५० मिलिग्राम) बरामद गरिएको विज्ञप्तिमा उल्लेख छ ।
अनुसन्धानका क्रममा बंगलादेशी नागरिक वर्ष २७ को मोहमद जोनी खानलाई बुढानिलकण्ठ नगरपालिका वडा नं. ७ मा डेरामा फेला पारी खानतलासी गर्दा एम्फेटामाईन १०३ ट्याब्लेट (१० ग्राम २९० मिलिग्राम) सहित फेला पारी बरामद गरिएको छ ।
कोठाबाट मनोद्धिपक लागुपदार्थ एम्फेटामाईन २०० ट्याब्लेट (१९.९४ ग्राम) फेला परेको छ ।
खड्कागाउँस्थित सडक किनारमा लम्जुङको बेसीशहर नगरपालिका वडा नं. ३ ठेगाना भएका वर्ष ४३ का बिक्रमबहादुर थापा र धादिङ्गको सिद्धलेक गाउँपालिका वडा नं. २ स्थायी ठेगाना भएका वर्ष ३९ को पित नारायण श्रेष्ठलाई बा.६ च. ३८३ नम्बरको कारसहित फेला पारी खानतलासी गर्दा कारभित्र लुकाई राखेको लागुऔषध ६०० एम्पुल फेला पारी पक्राउ परेका छन् ।
प्रतिवादी नारायण श्रेष्ठको जिल्ला काठमाडौं चन्द्रागीरी नगरपालिका वडा नं. ५ मा रहेको डेराकोठा खानतलासी गर्दा डेराकोठाबाट समेत थप नियन्त्रित लागुऔषध ६००० एम्पुल फेला पारेको छ ।
कोठाबाट नियन्त्रित लागुऔषध ६,६०० एम्पुल बरामद गरी थप अनुसन्धान भइरहेको छ ।
![](https://i0.wp.com/www.republicadainik.com/wp-content/uploads/2024/02/YABA-1024x762.jpg?resize=1024%2C762&ssl=1)
![](https://i0.wp.com/www.republicadainik.com/wp-content/uploads/2024/02/Controlled-Drugs-1024x768.jpg?resize=1024%2C768&ssl=1)
![](https://i0.wp.com/www.republicadainik.com/wp-content/uploads/2024/02/Manun-Bangladesh-Copy.jpg?resize=300%2C330&ssl=1)
![](https://i0.wp.com/www.republicadainik.com/wp-content/uploads/2024/02/Joni-Copy.jpg?resize=300%2C326&ssl=1)
![](https://i0.wp.com/www.republicadainik.com/wp-content/uploads/2024/02/Pit-Narayan.jpg?resize=300%2C315&ssl=1)
![](https://i0.wp.com/www.republicadainik.com/wp-content/uploads/2024/02/Bikram.jpg?resize=300%2C324&ssl=1)
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया