सशस्त्र प्रहरीद्वारा पशुपतिनाथ मन्दिरमा ह्वील चेयर प्रदान
![](https://i0.wp.com/www.republicadainik.com/wp-content/uploads/2024/01/apf.jpg?resize=810%2C439)
काठमाडौं । सशस्त्र प्रहरी बेल नेपालले २३औं सशस्त्र प्रहरी दिवस २०८० को उपलक्ष्यमा पशुपतिनाथ मन्दिरमा दर्शन गर्न आउने अशक्त भक्तजनहरूकोे सहजताको लागि ह्वील चियर हस्तारन्तरण गरेको छ ।
बिहीबार नं. ९ पशुपतिनाथ बाहिनी मुख्यालय काठमाडौंका बाहिनीपति सशस्त्र प्रहरी नायब महानिरीक्षक पुरुषोत्तम थापाले पशुपति विकास कोषका सदस्य सचिव राजुकुमार खत्रीलाई चार वटा ह्वील चियर हस्तान्तरण गरेका हुन् ।
नायब महानिरीक्षक थापाले विश्व सम्पदा सूचीमा रहेको पशुपतिनाथ मन्दिर हिन्दु धर्मालम्बी तथा भक्तजनहरूको धार्मिक आस्थाको देवता भएको हुँदा मन्दिरको सुरक्षा, संरक्षण र सम्बर्द्धन गर्नु सबैको दायित्व रहेको बताएका छन् ।
जनसम्बन्धलाई थप प्रगाढ बनाउने संगठनको नीति अनुसार क्विक इम्प्याक्ट प्रोजेक्ट संचालन गर्ने योजना अन्तर्गत सो बाहिनी तथा मातहत इकाईहरूको सामूहिक प्रयासबाट ४ वटा ह्वील चियर हस्तारन्तरण गरिएको छ ।
विगत ६ वर्षदेखि निर्माण अवस्थामा रहेको मन्दिरभित्रको यज्ञशालामा टुटफुट भएका मार्बल र मन्दिरको बाहिरी भागमा ढुंगाहरू विछ्याई जीर्णोद्धार समेत गरिएको थियो ।
कार्यक्रममा काठमाडौं महानगरपालिका वडा नम्बर ८ का वडाध्यक्ष आशामान संगत, बाहिनी मातहतका गणपति, गुल्मपति लगायत सिनियर तथा जुनियर अधिकृत र विल्लादार जवानहरूको समेत उपस्थिति रहेको थियो ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200)
फेसबुकबाट तपाईको प्रतिक्रिया